Үтескә аҡса алмаһа ла, бурыслы

Башҡортостанда йыш осрай торған фамилиялы кешеләргә аҙаштарының бурыстары өсөн яуап бирергә тура килә. Уларҙың иҫәптәренән аҡса юғала, мөлкәтенә арест һалына. Республикала бындай осраҡтар артҡандан-арта ғына. Ни өсөн ошолай кешеләрҙе бутайҙар һәм ғәйеп кемдә? Рәлиә Сәхибгәрәева асыҡларға тырышты. Стәрлетамаҡ ҡалаһында йәшәүсе Александр Петровтың йыл һайын, уға хәбәр итмәй генә, банктағы аҡсаһын иҫәптән сығаралар. Асыҡланыуынса, ул Салауаттағы колонияла ултырыусы аҙашы өсөн яуап бирә икән. Ошо хеҙмәттәрҙең хатаһын төҙәтеү өсөн Александр Салауат ҡалаһына йыш ҡына йөрөһә лә, был эшкә яңы пристав тотоноуы була — хәл яңынан ҡабатлана.

Аптыраштан, ир кеше адвокат яллай. Был эштә ҙур ғына хата ебәрелгән, сөнки уларҙың исем-шәрифтәре бер үк булһа ла, тыуған көндәре һәм урындары тура килмәй, ти юрист. Арест һалынған аҡсалар ике-өс айҙан һуң ғына ҡайтарыла. Ошо ваҡыт эсендә кешегә ҡытлыҡта йәшәргә тура килә, магазиндарҙа иҫәпләшә алмай, хатта кредитын да түләмәй, пеня йыйыла. Светлананың да картаһынан йыйған аҡсалары юғала башлаған. Псков ҡалаһындағы аҙашының бурыстарын түләгәнен, ул телефонына килгән смс-хәбәр аша ғына белеп ҡала. Фатир һатып алыр өсөн йыйған аҡсаһы тәүге тапҡыр иҫәбенән юҡҡа сыҡҡас, шаҡ ҡатҡан. Тәүге тапҡыр аҡсаларҙы “Хәбәрҙәр”ҙә күрһәтелгән репортаж ярҙамында тиҙ генә ҡайтарҙыҡ, әммә хәбәрселәрҙе даими саҡырып тороп булмай бит инде, ти ҡатын. Өфө районының Ҡамышлы ауылындағы ике ғаилә лә ошондай уҡ хәл ҡабатланған.

Бында йәшәүсе Васильев Владимир Ивановичҡа Мәскәүҙә йәшәүсе аҙашының бурыстары өсөн яуап бирергә тура килә. Ир үҙенең бурыслы аҙашы бар икәнен тәүге тапҡыр “Жигули” автомобилен иҫәптән төшөрә алмағас белеп ҡала. Һөҙөмтәлә, уны металлоломға ғына тапшыра ала. ВАЗ 2110 маркалы машинаһы менән дә ошондай уҡ хәл була. Өҫтәүенә, дәүләт хеҙмәттәре порталына инеп, 94 мең һумға яҡын бурысты күреү менән Владимир Ивановичтың һаулығы ҡаҡшай. 8 миллион һумға тиклем бурысы булған аҙашы бар икәнен белгәндән бирле күңел тыныслығы юҡ, ти Васильевтар. Төрлө хәлдәр була ҡалһа тип, йорт менән ер бүлемен ҡатынының исеменә яҙҙырғандар. Әммә был алым да бер ниндәй ҙә гарантия бирмәй. Благовещен ҡалаһында йәшәүсе Сергей Никитин да бындай аҙашлыҡҡа шат түгел. Яңы автомобилгә тип банкка һалып барған уның аҡсаларынан елдәр иҫкән.

Машина алып һөйөнөр урынға ул 90-сы йылда уҡ алған иҫке тимер атын көйләргә мәжбүр. Баҡтиһәң, аҡсалар Волгоград ҡалаһында йәшәгән аҙашының балаһына киткән. Тегеһе алиментын ваҡытында түләмәгән, ә бөтә бәлә Башҡортостандағы Сергейҙың елкәһенә төшә, хатта ғаиләһендә лә ыҙғыштар булып ала. Ҡатыны алимент һүҙе яҙылған хатты алғанын әле лә тыныс ҡына иҫкә төшөрә алмай. 3 балалы ғаилә бер көндә юҡҡа сыға яҙа. Суд ҡарарын башҡарыусылар үҙҙәрендә ғәйеп күрмәй. Беҙ банк биргән мәғлүмәттәр менән генә эш иттек, тип аҡланған. Ә Башҡортотан буйынса Федераль суд приставтары хеҙмәтендә аңлатыуҙарынса, был башҡарыу эше буйынса закондарҙың камил булмауына бәйле.

Нисек кенә булмаһын, приставтарҙың эшендә бурыслы урынына аҙаштарының ҡармаҡҡа эләгеү осрағы ғәҙәти күренеш. Әлеге мәлдә федераль кимәлдә проблеманы хәл итеү юлдарын эҙләйҙәр. Әммә әлегә бурыслыны исем-фамилияһы аша ғына эҙләйҙәр. Шуға ла күп осраҡта аҙашына барып юлығалар ҙа инде. Әлегә аҡсаларын юғалтҡандарға ҡайтарыу юлы бер: башҡарма эше ҡуҙғатылған суд приставтары хеҙмәтенә хат менән мөрәжәғәт итергә кәрәк. Ул хатҡа паспорт, ИНН, СНИЛС кеүек документтарҙың күсермәһен беркетеп ебәреү зарур. 

Подпишитесь на нас в Google Новости


һУҢҒЫ ХӘБӘРҘӘР

Смотреть видео Геройҙар беҙҙең арала | ГТРК «Башкортостан»

Геройҙар беҙҙең арала

Башҡортостан буйынса янғынға ҡаршы федераль хеҙмәт  әлеге ваҡытта көсәйтелгән режимда эшләй. Утты үҙенә буйһондороусылар кеше ғүмерен ҡотҡара, йорттарҙы һәм мөлкәтте янғындан һаҡлай.  Әммә бының өсөн улар көн дә үҙ ғүмерен хәүеф аҫтына ҡуя. Беҙҙең ижади төркөм  янғын ваҡытында күп...

7 июля 2020
Смотреть видео Республикала көслө янғындар сығыуы ихтимал | ГТРК «Башкортостан»

Республикала көслө янғындар сығыуы ихтимал

 Көндәрҙең эҫе тороуы сәбәпле айырым райондарҙа ут сығыу хәүефе арта. Ҡотҡарыусылар тағы ла бер тапҡыр республика халҡын урмандарҙа, баҡсаларҙа уяу булырға саҡыра. Сүп-сар яғыу ҡәтғи тыйыла. Киләһе көндәрҙә республика биләмәһендә һауа торошо 30-32 градус эҫе буласаҡ, тип хәбәр итәләр...

7 июля 2020
Смотреть видео БДИ-ның быйылғы үҙенсәлеге | ГТРК «Башкортостан»

БДИ-ның быйылғы үҙенсәлеге

Бөгөн республикала сығарылыш класс уҡыусылары рус теленән берҙәм дәүләт имтиханын тапшыра. Ул ике көн дауамында барасаҡ. Уҡыусылар 3 июлдә, рус әҙәбиәтенән, географиянан һәм информатиканан һынау тотто.Пандемия быйыл имтихандарға ла ҙур үҙгәрештәр индерҙе. Беренсенән- ул һуңлабыраҡ башланды,...

7 июля 2020
Смотреть видео Мәктәпкә йыйынырға ярҙам ит | ГТРК «Башкортостан»

Мәктәпкә йыйынырға ярҙам ит

Башҡортостанда “Мәктәпкә йыйынырға ярҙам ит” хәйриә акцияһы башланды. Уның барышында күп балалы, аҙ-тәьмин ителгән ғаиләләрҙә тәрбиәләнгән, йәки инвалид, ата-әсә ҡарауынан мәхрүм ҡалған балаларға уҡыу кәрәк-яраҡтары йыйыла.Акция  август аҙағына тиклем дауам итә. Әйберҙәр социаль приюттарҙа,...

7 июля 2020
Смотреть видео Ҡарасәй-Черкес республикаһынан Башҡортостан табиптары ҡайтты | ГТРК «Башкортостан»

Ҡарасәй-Черкес республикаһынан Башҡортостан табиптары ҡайтты

Ҡарасәй-Черкес республикаһында короновирус менән сирлеләрҙе дауалау өсөн ебәрелгән Башҡортостан табиптары тыуған яҡтарына әйләнеп ҡайтты. Дүрт табип дәүләт наградаһына лайыҡ булды. Сит республикала пациенттарҙы дауалау алымдары нисек барған? Ҡарасай-Черкес республикаһында короновирус менән...

7 июля 2020
Смотреть видео Оператив штабтар эше тергеҙелә | ГТРК «Башкортостан»

Оператив штабтар эше тергеҙелә

Республика башлығы район һәм ҡалаларҙың хакимиәт башлыҡтарына оператив штабтарҙың ултырышын үткәрергә саҡырҙы. Социаль дистанция һаҡлауға, битлек режимын үтәүгә иғтибарҙы бермә-бер арттырырға кәрәк. Аҙна республика һәм илдәге ваҡиғаларға бай булды. Радий Хәбиров оператив кәңәшмәне асып 1 июлдә...

7 июля 2020
Смотреть видео Башҡортостанда коронавирусҡа бәйле хәл көсөргәнешле булып ҡала.  | ГТРК «Башкортостан»

Башҡортостанда коронавирусҡа бәйле хәл көсөргәнешле булып ҡала.

Республика Һаулыҡ һаҡлау министрлығынан хәбәр итеүҙәренсә, әле  5 мең 638 сирле иҫәпләнә. Стационарҙарҙа — 412, амбулатор шарттарҙа 1 мең 817 кеше дауалана. Коронавирус теркәлгәндән алып 3 мең 304 кеше һауыҡҡан. Республика башлығы Радий Хәбиров билдәләүенсә, COVID-19 буйынса хәл «бик шәптән...

7 июля 2020
Антисептиктың зарары бар | ГТРК «Башкортостан»

Антисептиктың зарары бар

Составында этанол булған антисептиктар етди ауырыуға килтереүе ихтимал. Был хаҡта Америка Ҡушма Штарттарының аҙыҡ-түлек һәм медикаменттарҙың сифатын санитар күҙәтеү идаралығы белгестәре хәбәр итә. Һуңғы ваҡытта антисептиктан ағыуланыу осраҡтары йышайған. Тирене зарарһыҙландырыу сараларына метанол...

7 июля 2020
Ҡурай еләге мәле етте | ГТРК «Башкортостан»

Ҡурай еләге мәле етте

Балланып ҡурай еләге беште. Был үҫемлектең дауалау ҡөҙрәте халҡыбыҙҙа электән билдәле. Уның шифаһын белгән боронғолар еләген япрағы менән йыйып, ҡышҡылыҡҡа киптереп ҡуйғандар. Боронғо Грецияла уның бит-тән тиреһе өсөн файҙалы сифаттарын киң файҙаланғандар. Һутлы, яңы өҙөлгән ҡурай еләгендә файҙалы...

7 июля 2020
Эҫе көндәр көтөлә | ГТРК «Башкортостан»

Эҫе көндәр көтөлә

Башҡортостанда бер нисә көн ғәҙәттәгенән тыш эҫе көтөлә. 7-9 июлдә һауа температураһы 35 градустан юғары күтәрелеүе ихтимал. 7 июлдә урыны менән ҡыҫҡа ваҡытлы ямғыр яуыуы, йәшен йәшнәүе, көслө ел сығыуы мөмкин. Гидрометеоүҙәктән алынған мәғлүмәттәр буйынса  8 июлдә яуым-төшөм көтөлмәй. Һауа...

7 июля 2020
Яндекс.Метрика