Милли проекттарға-төп иғтибар

Милли проекттарҙы тормошҡа ашырыу буйынса маҡсатлы күрһәткестәрҙе 100 процентҡа еткерергә. Башҡортостан хөкүмәте президиумының киңәйтелгән ултырышында ошондай маҡсат ҡуйылды.  Хөкүмәт президиумы ултырышында 2019 йылға йомғаҡ яһалды һәм быйылға маҡсаттар билдәләнде. Дөйөм алғанда, милли проекттарҙы тормошҡа ашырыу буйынса ыңғай үҫеш күҙәтелә. Былтыр төбәктә ҙур социаль объекттар, 28 фельдшер-акушер пункты һәм 2 балалар поликлиникаһы файҙаланыуға тапшырылған. Әммә 11 маҡсатлы күрһәткес буйынса артта ҡалыу күҙәтелә.

Шуларҙың бишәүһе – бөтөнләй ҡыҙыл зонала. Улар – тыуым, яңы тыуған сабыйҙар үлеме, баш мейеһенең ҡан әйләнеше, тауар һәм энергетика булмаған продукция оҙатыу, торлаҡ төҙөлөшө.Уҙған йылда республикала 21 мәктәп, 3 мең 200-ҙән ашыу урынлыҡ балалар баҡсаһы, 1 бассейн сафҡа ингән. Башҡортостан Милли проекттарҙы тормошҡа ашырыу өсөн бүленгән аҡсаның 26 миллиард һумдан ашыуын үҙләштергән. Быйыл төбәккә был маҡсатта 30 миллиард һум аҡса йүнәлтелә. Ултырышта бөтә маҡсатлы күрһәткестәр буйынса тик яҡшы һөҙөмтәләргә ирешеү бурысы ҡуйылды.2020 йылда 3 мең 800-ҙән ашыу урынлыҡ 24 балалар баҡсаһын файҙаланыуға тапшырыу ҡарала.

Шулай уҡ, 12 районда ГТО нормалары өсөн спорт майҙансыҡтарын йыһазландырыу көтөлә. Быйыл Башҡортостанда 55 уҡытыусы бер тапҡыр бирелә торған 1 миллион һум аласаҡ. Улар 50 меңгә тиклем халҡы булған ауылдарға һәм ҡалаларға эшкә ҡайтҡан. Башҡортостанда халыҡ һаны кәмей, был күренеш дөйөм Рәсәйгә хас. Быға тыуымдың аҙайыуы һәм үлемдең артыуы сәбәпсе. Һәр йәһәттән республика етәкселеге быйылдан демография, сабыйҙар үлеме, сәләмәтлекте нығытыу мәсьәләһенә ныҡлап тотона. Уҙған йылда ғына ололарҙы медицина учреждениеларына алып барыу өсөн 22 техника һатып алынған. Республикала халыҡтың килеме лә кәмегән.

Ултырышта билдәләнеүенсә, был хеҙмәт хаҡтарының аҙайыуына бәйле түгел. Ә төрлө түләүҙәрҙең һәм иғәнәләрҙең артыуы сәбәбе. Башҡортостан башлығы Радий Хәбиров медицинаға айырым иғтибар бүлә. Уҙған йылда тармаҡҡа 5 миллиард 200 миллион һум аҡса бүленгән, уның яртыһынан күбеһе төбәк ҡаҙнаһынан. 148 дефицитлы табип һәм  ауылға ҡайтҡан 158 медицина белгесе 1-шәр миллион һум алған. Рәсәй Президенты Владимир Путин Федераль Йыйылышҡа мөрәжәғәтнамәһендә Милли проекттарҙы тормошҡа ашырыуға мөһим иғтибар бүлде. Улар Башҡортостан башлығы Радий Хәбировтың сентябрь Указында ла айырым сағылған. Сөнки, тап Милли проекттар халыҡтың сәләмәтлеген, илдең киләсәген билдәләй.

Подпишитесь на нас в Facebook


һУҢҒЫ ХӘБӘРҘӘР

Башҡортостан еләк-емеш баҡсаһы | ГТРК «Башкортостан»

Башҡортостан еләк-емеш баҡсаһы

“Столыпино” агрокомплексы биләмәһендә Рәсәйҙә иң ҙур еләк баҡсаһы барлыҡҡа килеүе ихтимал. Хужалыҡ илдең алдынғы селекция институттары һәм Рәсәй предприятиелары менән хеҙмәттәшлек тураһында лицензион килешеүҙәр төҙөүгә өлгәшкән. Был турала Республика башлығы Радий Хәбировтың Кушнаренко районына эш...

3 июля 2020
Изгелек бумерангы | ГТРК «Башкортостан»

Изгелек бумерангы

Ғаилә аҙнаһы уңайынан  Башҡортостанда “Изгелек бумерангы” акцияһы иғлан ителә. Республиканың төрлө ҡала райондарында 6 июлдән 31-нә тиклем мохтаж ғаиләләр өсөн бала кәрәк-яраҡтары, кейем-һалым, уйынсыҡ, мебель, коляска, велосипед кеүек алмаш ҡулланышлы әйберҙәр ҡабул ителә. Улар өр-яңы ла,...

3 июля 2020
Такси бушлай | ГТРК «Башкортостан»

Такси бушлай

Өфөлә социаль такси эшләй башланы.  «Deafмобиль» хеҙмәтен физик мөмкинлеге сикләнгән балалар, уларҙы оҙатып йөрөүселәр, беренсе группа инвалидтары айына биш тапҡыр бушлай файҙалана ала. Водителдәр сәғәт иртәнге етенән киске унға тиклем ял һәм тәнәфесһеҙ эшләй. Пассажирға таксиға ултырыр...

3 июля 2020
Смотреть видео Боден күле өҫтөндәге авиафажиғәгә 18 йыл | ГТРК «Башкортостан»

Боден күле өҫтөндәге авиафажиғәгә 18 йыл

2002 йылдың 2-се июленә ҡарай төндә Башҡортостандан Испанияға ялға осҡан балалар самолеты Германия биләмәһендә һәләкәткә осрай. Авиадиспетчер хатаһы арҡаһында Башҡортостан һауа юлдарының ТУ-154М самолеты һәм «Боинг 757» йөк самолеты бәрелешә. Фажиғәлә 71 кеше, шул иҫәптән 52 баланың ғүмере өҙөлә....

3 июля 2020
Смотреть видео Башҡортостанда Рәсәйҙәге тәүге аграр аҙыҡ-түлек кластеры төҙөлә | ГТРК «Башкортостан»

Башҡортостанда Рәсәйҙәге тәүге аграр аҙыҡ-түлек кластеры төҙөлә

Был ҡарар республика хөкүмәтендә Радий Хәбиров онлайн-кәңәшмә тәртибендә үткәргән “Ауыл сәғәтендә”  ҡабул ителде. Беҙ аграр төбәктә йәшәйбеҙ, халыҡҡа Башҡортостанда етештерелгән тауар һатып алыу мөмкинлеге кәрәк, тине республика башлығы. Радий Хәбиров ауыл хужалығы министрлығы менән сауҙа һәм...

3 июля 2020
Смотреть видео Хаҡтар арта | ГТРК «Башкортостан»

Хаҡтар арта

1-се июлдән үҙгәрештәр ғәмәлгә инде. Бигерәк тә ул пенсионерҙар, студенттар, водителдәр, үҙмәшғүллек менән булышҡандар һәм инвалидтарға ҡағыла. Ә иң ҙур ярҙамдарҙың береһен 16 йәшкә тиклемге балаһы булған ғаиләләр көтә. Улар 10 мең һум күләмендә бер тапҡыр бирелә торған түләү ала. Бер бүлмәле...

3 июля 2020
Смотреть видео Үҙгәрештәр хупланды | ГТРК «Башкортостан»

Үҙгәрештәр хупланды

Илдә Конституцияға үҙгәрештәр индереү буйынса тауыш биреүгә яҡынса йомғаҡ яһалды. Рәсәй халҡы Президент Владимир Путин тәҡдим иткән төҙәтмәләргә ыңғай яуап бирҙе. Башҡортостанда ла электораттың 89 процентҡа яҡыны үҙгәрештәрҙе хуплаған. Ил киләсәге ил граждандары ҡулында. Рәсәй Конституцияһына...

3 июля 2020
Мәктәпкә әҙерләнергә ярҙам | ГТРК «Башкортостан»

Мәктәпкә әҙерләнергә ярҙам

Башҡортостанда “Мәктәпкә әҙерләнергә ярҙам ит” хәйриә акцияһы иғлан ителде. Республиканың ғаилә, хеҙмәт һәм халыҡты социаль яҡлау министрлығы был сараны быйыл 10-сы тапҡыр ойоштора. Ғәҙәттә акция 1 июлдән 31 августҡа тиклем дауам итә. Уның маҡсаты – киҫкен хәлдә ҡалған ғаиләләргә балаларын яңы уҡыу...

2 июля 2020
Помидор татлы булһын өсөн  | ГТРК «Башкортостан»

Помидор татлы булһын өсөн

Ҡайһы саҡта помодорҙың уңышы мул, ә емеше тәмһеҙ була. Был күренеш тик сортҡа бәйләнмәгән. Был үҫемлек калий һәм фосфорға мохтаж.  Тәжрибәле баҡсасылар томатҡа татлы тәм бирер өсөн махсус  ашлама ҡуллана. Уның нигеҙендә ... банан ҡабығы. Банан кеше генә түгел, баҡса үҫентеләре өсөн дә бай...

2 июля 2020
«Башҡорт теле йылы» проекты 3 млн һумлыҡ грант алды | ГТРК «Башкортостан»

«Башҡорт теле йылы» проекты 3 млн һумлыҡ грант алды

«Башҡорт теле йылы» проектын тормошҡа ашырыуҙа Башҡортостандың гражданлыҡ йәмғиәтенә булышлыҡ итеү фонды ярҙам итә. Иҫегеҙгә төшөрәбеҙ, проект Башҡортостан Башлығының республикабыҙ халыҡтары телдәрен һаҡлауға һәм үҫтереүгә тәғәйенләнгән грантына лайыҡ булды. Бөгөн Башҡортостандың гражданлыҡ...

2 июля 2020
Яндекс.Метрика