Бөйөк Ватан һуғышы ветераны Ишҡол Мәхмүтов

Йылдан йыл Бөйөк Ватан һуғышы ветерандары кәмей бара. Әммә, күптән инде 90-ды уҙған ветерандар иҫән әле һәм улар киләсәк быуынға һуғыш афәттәрен, фашистарҙың йыртҡыслығын һөйләргә әҙер. Бөйөк Ватан һуғышы ветераны Ишҡол Мәхмүтов фашистар менән алышып та, 9 ай әсирлектә булып та өлгөрә. Ҡаҙмаш ауылында йәшәүсе Ишҡол Хәмзә улы Мәхмүтов 1941 йылдың 22-се июнен яҡшы хәтерләй. Уҡыусыларҙы Йәнгел ауылы янына баҫыу утарға алып баралар һәм шунда ул фашистик Германияның илебеҙгә һөжүм итеүен ишетә. Малайҙар колхоз эшендә бил нығытып, беләккә көс туплап, фашистарҙы дөмбәҫләргә әҙерләнә башлай.

Ун һигеҙен тултырмаған Ишҡол Хәмзә улы ла йәшен өҫтәп яҙҙыртып, һуғышҡа алына. 1943 йылдың декабрендә ул Өфө янындағы Алкин хәрби часына килтерелә һәм әҙерлек үтә. Ишҡол Хәмзә улы пехота ғәскәрҙәренә эләгә, уларҙы иң беренсе Смоленск өлкәһенә ташлайҙар. Ошонда ул хәҙер инде еңеләсәген аңлаған немец илбаҫарҙарының йыртҡыслығын күрә.

Әммә, күп тә үтмәй, яугир фашистарҙың ҡулына эләгә. Тәүҙә уны Вильнюс ҡалаһына алып баралар, һуңынан баржаларҙа Германияға оҙаталар. Һыу юлы менән барғанда фашистарҙың яралылары тулған баржаһы беҙҙең әсирҙәр араһында йөҙә. Был Совет летчиктары һөжүм итмәһен өсөн эшләнә. Германияның Ганновер ҡалаһында Ишҡол Мәхмүтов кирбес һуға, бомбаларҙан ышыҡланыу нығытмаһы эшләй. Совет һәм союздаш ғәскәрҙәр яҡынлашҡас, фашистар күпселек әсирҙәрҙе юҡ итә. Бәхеткә күрә Ишҡол Мәхмүтов иҫән ҡала.

Әсирҙәрҙе Америка Ҡушма штаттары азат итә. Әммә, бының менән генә яугирҙың михнәттәре тамамланмай әле. 2016 йылда Әбйәлилгә сәфәрәбеҙ барышында 13 Бөйөк Ватан һуғышы ветераны иҫән ине. Хәҙер бында 6 ветеран йәшәй. Амангилде ауыл биләмәһендә берәү генә – Ишҡол Мәхмүтов.  Башҡортостан башлығы Радий Хәбиров Бөйөк Ватан һуғышы ветерандарын Өфөлә үтәсәк хәрби парадҡа ла саҡырҙы. 94 йәшен ҡыуалаған Бөйөк Ватан һуғышы ветераны Ишҡол Мәхмүтов үҙен яҡшы тоя һәм был сараға барырға әҙерләнә. 

Башҡортостанда 22 мең самаһы Бөйөк Ватан һуғышы ветераны, уларға тиңләштерелгәндәр һәм тыл хеҙмәтсәндәре йәшәй. Бөйөк Еңеүҙең 75 йыллығына Бөйөк Ватан һуғышы яугирҙары 75 мең, тыл ветерандары 50 мең һум аласаҡ. Бынан тыш, илебеҙгә тыныслыҡ килтергән шәхестәребеҙгә Бөйөк Еңеүҙең 75 йыллығы уңайынан миҙал тапшырыла.

Читайте нас в Яндекс.Дзен


һУҢҒЫ ХӘБӘРҘӘР

Килмешәктәр яулай | ГТРК «Башкортостан»

Килмешәктәр яулай

Ҡытайҙан сыҡҡан ике йәпле моллюсктар Түбәнге Волга экосистемаһын баҫып алған. Ҡабырсаҡлы моллюсктар үрсер өсөн балыҡтарҙы файҙалана. Глохидия атамалы ҡарышлауыҡтар балыҡ айғолағына берегеп йәшләүектең һәләк булыуына, ә эре балыҡтарҙың сирләүенә килтерә. Килмешәктәр шулай уҡ урындағы умыртҡаһыҙ...

4 часа 1 минута назад
Йәйге ял ... күсерелә | ГТРК «Башкортостан»

Йәйге ял ... күсерелә

Санитар-эпидемиологик хәл балалар өсөн ял шифаханалары менән мәктәп лагерҙарын асыу ваҡытын күсерергә мәжбүр итә. Был хаҡта Башҡортостан Хөкүмәте рәйесе урынбаҫары Фәнүр Йәғәфәров социаль селтәрҙәге сәхифәһендә белдерҙе.  Балалар үҙ алдына көн үткәрә, был ата-әсә өсөн өҫтәмә ҡатмарлыҡтар...

4 часа 5 минут назад
Дарыу өсөн дә, сәй итеп тә | ГТРК «Башкортостан»

Дарыу өсөн дә, сәй итеп тә

Июль уртаһы – мәтрүшкә йыйыр мәл. Башҡортостанда киң таралған был үләндең шифалы сифаттары борондан билдәле. Элек-электән уны дарыу өсөн дә, сәй итеп тә файҙаланғандар. Күп йыллыҡ үләнде сәскә атҡан мәлендә ҡырҡып алып еләҫ урында киптерәләр. Күптәр уны дауа түгел, хуш еҫле сәй итеп файҙалана....

4 часа 12 минут назад
Смотреть видео Иртә һатыуға сығарылған ҡарбуздан ағыуланырға мөмкин | ГТРК «Башкортостан»

Иртә һатыуға сығарылған ҡарбуздан ағыуланырға мөмкин

Әле ҡаланың һәр мөйөшөндә тиерлек был еләкте алырға була. Дауаханаға эләкмәҫ өсөн уны нисек дөрөҫ һайларға. Юлия Буданова ҡарбуз һатыу миҙгелен көтөп ала. Ул был етәксе йәйҙең ниндәй айында һатылыуға ҡарап түгел, ә тышына ҡарап һайларға, тикшерелгән һатыусыларҙан ғына алырға тәҡдим итә. Йәй уртаһы...

14 июля 2020
Смотреть видео Башҡортостанда кәм тигәндә 3 көн 40 градуслыҡ эҫелек көтөлә | ГТРК «Башкортостан»

Башҡортостанда кәм тигәндә 3 көн 40 градуслыҡ эҫелек көтөлә

Синоптар шундай фараздар яһаны. Табиптар ҡояш һуғыу ихтималлығы тураһында иҫкәртә һәм кешеләргә мөмкин тиклем өйҙәрендә ҡалырға, халыҡ күп йөрөмәгән урындарҙа ял итергә кәңәш бирә. Республиканың ғәҙәттән тыш хәлдәр идаралығынан хәбәр итеүҙәренсә, көньяҡ-көнсығыш райондарҙа янғын сығыу ихтималлығы...

14 июля 2020
Смотреть видео 1 сентябрҙән 1-5-се класс уҡыусылары берҙәм мәктәп формаһына күсә | ГТРК «Башкортостан»

1 сентябрҙән 1-5-се класс уҡыусылары берҙәм мәктәп формаһына күсә

Яңы уҡыу йылы коронавирус инфекцияһының таралыуына юл ҡуймаҫ өсөн барлыҡ хәүефһеҙлек талаптарын иҫәпкә алып башланасаҡ. Мәғариф министрлығының мәктәптә уҡытыу форматынан баш тартырға ниәте юҡ. Башҡортостанға килгәндә инде, 1 сентябрҙән Әбйәлил, Благовар, Федоровка һәм Яңауыл райондарының 1-5-се...

14 июля 2020
Смотреть видео Республикала битлек режимы һаҡлана | ГТРК «Башкортостан»

Республикала битлек режимы һаҡлана

Был вирустан һаҡланыуҙа һөҙөмтәле ысулдарҙың береһе. Табиптар ҙа мәкерле сир менән үҙҙәрен аямайынса көрәшә. Ике сабыйын да Динара Ленник өҙөлөп һағына, тик ҡыҙғанысҡа ҡаршы, уға ғаиләһе менән телефон аша ғына һөйләшергә тура килә. Бер-нисә көн элек ханым әсәһе менән короновирус йоҡтороп Өфөнөң...

14 июля 2020
Смотреть видео Тынысланырға иртәрәк | ГТРК «Башкортостан»

Тынысланырға иртәрәк

Республикала коронавирусҡа бәйле хәл көсөргәнешле булып ҡала. Тынысланырға иртәрәк. Радий Хәбиров был турала Хөкүмәттә үткән оператив кәңәшмәлә белдерҙе. Башҡортостанда үҙ ҡурсаланыу шарттарын үҙгәртергә әлегә сәбәптәр юҡ. Коронавирус һаман да үҙ көсөндә ҡала. Тап шуға күрә, медицина битлектәрен...

14 июля 2020
Шоколад кемгә файҙалы | ГТРК «Башкортостан»

Шоколад кемгә файҙалы

11 июлдә билдәләнгән Бөтә донъя шоколад көнө уңайынан белгестәр был татлы ризыҡтың ыңғай сифаттарына байҡау яһай. Ғилми тикшеренеүҙәр шоколадтың сәләмәтлеккә файҙалы булыуын, бигерәк тә эмоциональ көсөргәнешкә дусар уҡытыусылар, артистар, табиптар өсөн уның алыштырғыһыҙ булыуын дәлилләй. Гормональ...

10 июля 2020
Хәүефһеҙлек ҡағиҙәләре үтәлеше тикшерелә | ГТРК «Башкортостан»

Хәүефһеҙлек ҡағиҙәләре үтәлеше тикшерелә

Өфөнөң сауҙа үҙәктәрендә санитар-эпидемиологик талаптарҙың үтәлешен тикшереү дауам итә. Профилактика рейдтарында Роспотребнадзорҙың төбәк идаралығы белгестәре, полиция һәм киң мәғлүмәт саралары вәкилдәре ҡатнаша. Комсомол, Завод, Һәҙиә Дәүләтшина урамдарында урынлашҡан сауҙа нөктәләрендә...

10 июля 2020
Яндекс.Метрика