Сифатһыҙ лампа өсөн вазифаңдан алыныуың ихтимал

Республика етәксеһе Хөкүмәттә үткән оператив кәңәшмәлә муниципалитеттарҙың  ауыл урамдарын яҡтыртыу өсөн сифатһыҙ лампалар алыуын ҡаты тәнҡитләне.  Радий Фәрит улы быны яуапһыҙлыҡ тип атаны һәм етди тикшереү буласаҡ, тип вәғәҙәләне. Башҡортостан башлығы Радий Хәбиров илдә Хәтер һәм дан йылында Бөйөк Ватан һуғышы ветерандарына иғтибарҙы бермә-бер арттырырға саҡырҙы. Артабан ултырышта ҡаты көнкүреш ҡалдыҡтарын сығарыу тураһында доклад тыңланылды. Уҙған йылда 17 меңдән ашыу контейнер майҙансығы булдырылған. Яңыраҡ сүп-сарҙы тейәү, сығарыу һәм үтиллшәштереүҙе видеокамералар аша күҙәтә башлағандар.

Был ыңғай һөҙөмтә биргән. Дөйөм алғанда тармаҡта үҫеш һиҙелә башлаған. Бигерәк тә Әбйәлил, Тәтешле райондарында һәм Өфө ҡалаһында хәл яҡшы. Әммә, ҡайһы бер муниципалитеттарҙа тәртип урынлаштырылмаған. Башҡортостан башлығы Радий Хәбиров контейнер майҙансыҡтары буйынса яңы күрһәтмәләр бирҙе. Уҙған байрам көндәрендә республика трассаларында юл-транспорт ваҡиғалары теркәлмәгән. Әммә, М-5 федераль трассаһында 6 машина бәрелеште. Быға көндөң йылытып тороуы һәм ҡар яуып, буран сығыуы сәбәпсе. Радий Хәбиров ошондай һауа торошо фаразланһа, водителдәрҙе алдан иҫкәртергә бойорҙо.

Бынан тыш, анализ эшләп, профилактиканы көсәйтергә ҡушты. Ә аварияға эләккән кешеләргә ярҙам итеп йөрөгән фельдшерҙы табып, уны дәртләндерергә тәҡдим итте Башҡортостан башлығы.Уҙған аҙнала республикала 113 янғын теркәлгән, уларҙа 8 кешенең ғүмере өҙөлгән. Был уҙған йылдың ошо осоро менән сағыштырғанда аҙыраҡ, ҡорбандар һаны ла кәмерәк. Учалы районында аяныслы хәл булған. 3 бәләкәй бала төтөндән ағыуланған. 2 йәшлек сабый үҙенең тыуған көнөндә медицина хеҙмәткәрҙәре ҡулында йән биргән. Ике бала реанимацияла ҡала. Ата-әсәһе сабыйҙарын бикләп, яңғыҙҙарын ҡалдырып киткән булған.

Ғаилә янғынды иҫкәртеүсе ҡорамал менән тәьмин ителгән, тип билдәләнде ултырышта. Ошонда уҡ яҙғы ташҡынға әҙерлек мәсьәләһе ҡаралды. Башҡортостан башлығы билдәләүенсә, быйыл ҡар күп һәм һыуһаҡлағыстар тула бара. Ул ташҡынға етди әҙерлек эштәре алып барыу кәрәклеген әйтте. Уҙған йылда төбәктә 3 мең 600-ҙән ашыу подъезда ремонт башҡарылған. Был маҡсатта 1 миллиард һумдан ашыу аҡса бүленгән. Быйыл тағы ла 3 мең 300-ҙән ашыуында эштәр ҡаралған. Ремонтты октябрь аҙағына тамамларға иҫәп тота, торлаҡ-коммуналь хужалыҡ белгестәре. Уҙған йылда иң яҡшы подъезд конкурсында өс район еңеү яулаған. Башҡортостан башлығы быйыл да сараны дауам итергә һәм муниципалитеттарҙы дәртләндерергә саҡырҙы. Радий хәбиров шәхсән ҡотларға теләк белдерҙе. Подъездарға пандустар ҡуйыу мәсьәләһе лә көнүҙәк.

Әле республикала 97 подъезда пандус менән тәьмин ителмәгән. Уларҙа 101 мөмкинлеге сикләнгән кеше йәшәй. Был маҡсатта 2 миллион 700 мең һум самаһы аҡса талап ителә. Башҡортостан башлығы кисекмәҫтән аҡса бүлергә ҡушты.Радий Хәбиров урамдарҙы яҡтыртыу мәсьәләһенә лә етди иғтибар бүлә. Уҙған йылда төбәктә 28 меңдән ашыу шәмдәл һәм 5 мең ярым электр бағанаһы ҡуйылған. Әммә, лампаларҙың сифаты насар һәм улар тиҙ арала сафтан сыға, тип билдәләне ултырышта ҡатнашыусылар. Насар шәмдәл килтергән ойошмалар менән хеҙмәттәшлекте туҡтатырға һәм иҫәпләшмәҫкә тине республика етәксеһе. Ул Башҡортостанда эшләгән предприятиеларҙы ҡарарға һәм беҙҙә етештерелгән лампаларға өҫтөнлөк бирергә саҡырҙы.    Оператив ултырышта Ғәҙәттән тыш хеҙмәттәрҙең эшмәкәрлеге тикшерелде.

Уҙған йылда төбәктә Рәсәйҙә тәүгеләрҙән булып берҙәм 112 хеҙмәте ойошторолдо. Бер йыл эсендә ул 2 миллиондан ашыу мөрәжәғәт ҡабул иткән, 3 мең кешегә ярҙам күрһәтелгән. Башҡортостан башлығы Радий Хәбиров был хеҙмәтте артабан да камиллаштырыу юлдарын барларға ҡушты.Ултырыш һуңында Рәсәй тимер юлдарының Куйбышев бүлексәһе эшмәкәрлеге барланды. Быйыл Өфө тимер юлы вокзалын рекострукциялауҙы тамамлау көтөлә. Ул йәй баштарына асылыр һәм халыҡтың уңайлығы өсөн яңы платформалар эшләй башлар тип күҙаллана. Радий Фәрит улы билдәләүенсә, Рәсәй тимер юлдарын яҡшы партнер булып ҡала һәм төбәк бюджетын тулыландырыуға тос өлөш индерә. 

Читайте нас в Яндекс.Новостях


һУҢҒЫ ХӘБӘРҘӘР

Башҡортостан еләк-емеш баҡсаһы | ГТРК «Башкортостан»

Башҡортостан еләк-емеш баҡсаһы

“Столыпино” агрокомплексы биләмәһендә Рәсәйҙә иң ҙур еләк баҡсаһы барлыҡҡа килеүе ихтимал. Хужалыҡ илдең алдынғы селекция институттары һәм Рәсәй предприятиелары менән хеҙмәттәшлек тураһында лицензион килешеүҙәр төҙөүгә өлгәшкән. Был турала Республика башлығы Радий Хәбировтың Кушнаренко районына эш...

3 июля 2020
Изгелек бумерангы | ГТРК «Башкортостан»

Изгелек бумерангы

Ғаилә аҙнаһы уңайынан  Башҡортостанда “Изгелек бумерангы” акцияһы иғлан ителә. Республиканың төрлө ҡала райондарында 6 июлдән 31-нә тиклем мохтаж ғаиләләр өсөн бала кәрәк-яраҡтары, кейем-һалым, уйынсыҡ, мебель, коляска, велосипед кеүек алмаш ҡулланышлы әйберҙәр ҡабул ителә. Улар өр-яңы ла,...

3 июля 2020
Такси бушлай | ГТРК «Башкортостан»

Такси бушлай

Өфөлә социаль такси эшләй башланы.  «Deafмобиль» хеҙмәтен физик мөмкинлеге сикләнгән балалар, уларҙы оҙатып йөрөүселәр, беренсе группа инвалидтары айына биш тапҡыр бушлай файҙалана ала. Водителдәр сәғәт иртәнге етенән киске унға тиклем ял һәм тәнәфесһеҙ эшләй. Пассажирға таксиға ултырыр...

3 июля 2020
Смотреть видео Боден күле өҫтөндәге авиафажиғәгә 18 йыл | ГТРК «Башкортостан»

Боден күле өҫтөндәге авиафажиғәгә 18 йыл

2002 йылдың 2-се июленә ҡарай төндә Башҡортостандан Испанияға ялға осҡан балалар самолеты Германия биләмәһендә һәләкәткә осрай. Авиадиспетчер хатаһы арҡаһында Башҡортостан һауа юлдарының ТУ-154М самолеты һәм «Боинг 757» йөк самолеты бәрелешә. Фажиғәлә 71 кеше, шул иҫәптән 52 баланың ғүмере өҙөлә....

3 июля 2020
Смотреть видео Башҡортостанда Рәсәйҙәге тәүге аграр аҙыҡ-түлек кластеры төҙөлә | ГТРК «Башкортостан»

Башҡортостанда Рәсәйҙәге тәүге аграр аҙыҡ-түлек кластеры төҙөлә

Был ҡарар республика хөкүмәтендә Радий Хәбиров онлайн-кәңәшмә тәртибендә үткәргән “Ауыл сәғәтендә”  ҡабул ителде. Беҙ аграр төбәктә йәшәйбеҙ, халыҡҡа Башҡортостанда етештерелгән тауар һатып алыу мөмкинлеге кәрәк, тине республика башлығы. Радий Хәбиров ауыл хужалығы министрлығы менән сауҙа һәм...

3 июля 2020
Смотреть видео Хаҡтар арта | ГТРК «Башкортостан»

Хаҡтар арта

1-се июлдән үҙгәрештәр ғәмәлгә инде. Бигерәк тә ул пенсионерҙар, студенттар, водителдәр, үҙмәшғүллек менән булышҡандар һәм инвалидтарға ҡағыла. Ә иң ҙур ярҙамдарҙың береһен 16 йәшкә тиклемге балаһы булған ғаиләләр көтә. Улар 10 мең һум күләмендә бер тапҡыр бирелә торған түләү ала. Бер бүлмәле...

3 июля 2020
Смотреть видео Үҙгәрештәр хупланды | ГТРК «Башкортостан»

Үҙгәрештәр хупланды

Илдә Конституцияға үҙгәрештәр индереү буйынса тауыш биреүгә яҡынса йомғаҡ яһалды. Рәсәй халҡы Президент Владимир Путин тәҡдим иткән төҙәтмәләргә ыңғай яуап бирҙе. Башҡортостанда ла электораттың 89 процентҡа яҡыны үҙгәрештәрҙе хуплаған. Ил киләсәге ил граждандары ҡулында. Рәсәй Конституцияһына...

3 июля 2020
Мәктәпкә әҙерләнергә ярҙам | ГТРК «Башкортостан»

Мәктәпкә әҙерләнергә ярҙам

Башҡортостанда “Мәктәпкә әҙерләнергә ярҙам ит” хәйриә акцияһы иғлан ителде. Республиканың ғаилә, хеҙмәт һәм халыҡты социаль яҡлау министрлығы был сараны быйыл 10-сы тапҡыр ойоштора. Ғәҙәттә акция 1 июлдән 31 августҡа тиклем дауам итә. Уның маҡсаты – киҫкен хәлдә ҡалған ғаиләләргә балаларын яңы уҡыу...

2 июля 2020
Помидор татлы булһын өсөн  | ГТРК «Башкортостан»

Помидор татлы булһын өсөн

Ҡайһы саҡта помодорҙың уңышы мул, ә емеше тәмһеҙ була. Был күренеш тик сортҡа бәйләнмәгән. Был үҫемлек калий һәм фосфорға мохтаж.  Тәжрибәле баҡсасылар томатҡа татлы тәм бирер өсөн махсус  ашлама ҡуллана. Уның нигеҙендә ... банан ҡабығы. Банан кеше генә түгел, баҡса үҫентеләре өсөн дә бай...

2 июля 2020
«Башҡорт теле йылы» проекты 3 млн һумлыҡ грант алды | ГТРК «Башкортостан»

«Башҡорт теле йылы» проекты 3 млн һумлыҡ грант алды

«Башҡорт теле йылы» проектын тормошҡа ашырыуҙа Башҡортостандың гражданлыҡ йәмғиәтенә булышлыҡ итеү фонды ярҙам итә. Иҫегеҙгә төшөрәбеҙ, проект Башҡортостан Башлығының республикабыҙ халыҡтары телдәрен һаҡлауға һәм үҫтереүгә тәғәйенләнгән грантына лайыҡ булды. Бөгөн Башҡортостандың гражданлыҡ...

2 июля 2020
Яндекс.Метрика