Ветеран вариҫы

Һуғыш ветераны тураһында ҙур иҫтәлек. Ишембай ҡалаһында йәшәүсе 12 йәшлек Тимур Нурисламов үҙенең ҡарт олатаһы тураһында видеояҙма төшөргән. Республика буйынса уҙғарылған конкурста ул беренсе урынға лайыҡ булған. Видеояҙманы үҫмер ҡартатаһы үҙе яҙып ҡалдырған дәфтәр-фотоальбомдарға таянып эшләй.

Бишенсе класста белем алыусы Тимур Нурисламов ҡартатаһының тормош юлын энәһенән ебенә тиклем белә. Әйткәндәй, Бөйөк Ватан һуғышы ветераны Өлфәт Абраров был ҡалын фотоальбомды үҙе эшләгән, шуға ла үҫмер өсөн ул ҙур ҡомартҡы булып һаҡлана. Өлфәт Абрар улы тыныс холоҡло, түҙемле, бөтәһенә лә өлгө ине, тип хәтерләй уның туғандары.

Өлфәт Абрар улы Ижевск ҡалаһына уҡырға инә. Ҡыҙғанысҡа ҡаршы, уҡыуын тамамлап өлгөрмәй, 19 йәшендә фронтҡа алына. Ул танк пушкаһын тоҫҡаусы булып хеҙмәт итә. Һуғыш михнәттәрен ветеран бер кемгә лә һөйләмәгән, уның сер итеп һаҡланған айырым дәфтәре бар ине, ти яҡындары. 

Өлфәт Абраров яҙған был көндәлек туғандары өсөн ҙур иҫтәлек булып һаҡлана. Ветеран уны “Хуш, ауылым!” тип атаған. Өлфәт Абрар улы был көндәлектә үҙенең бала сағын, биографияһын, һуғышта булған хәтирәләрҙе яҙып ҡалдырған. Өҫтәүенә, ул һәр бер тыуған ейән-ейәнсәрҙеренең тыуған ваҡытын һәм исем-шәрифтәрен дә теркәп барған.

Һуғыштан иҫән әйләнеп ҡайтҡас, ветеран өйләнеп, ете балаға ғүмер бүләк итә. Һаулығы ҡаҡшау сәбәпле, дауахана тупһаһын күп тапарға тура килә уға. Тик ниндәй ауырыу менән сирләгәнен дә туғандарына һөйләмәй, ә бары тик үҙенең дәфтәренә яҙып бара. Был хәтирәләрҙе йәнә тергеҙеү маҡсаты менән уның ейәне Тимур ҡартатаһы тураһында видеояҙма төшөрөп конкурста ҡатнаша.

Яҙманы әҙерләү өсөн ике көн ваҡыт уҙҙы, ти үҫмер. Конкурста бөтәһе 76 кеше видео ебәреп, шуларҙың егермеһе, шул иҫәптән Тимур финалға үткән. Конкурс минең өсөн мөһим түгел, ҡартатайымдың тормош юлын башҡаларға ла еткереү бурыс ине, ти ул.Бөйөк Еңеү көнө Нурисламовтар ғаиләһе өсөн айырыуса ҙур байрам. Быйыл 9 май көнө Тимур  туғандары менән Мәскәүҙә үткән парадҡа барырға ниәтләй.

Смотрите нас в YouTube


һУҢҒЫ ХӘБӘРҘӘР

Мәктәптә коронавирусҡа ҡаршы яңы алымдар индерелә | ГТРК «Башкортостан»

Мәктәптә коронавирусҡа ҡаршы яңы алымдар индерелә

Төбәктә коронавирус менән бәйле хәл үҙгәрешһеҙ ҡалһа өс аҙнанан урта белем биреү йорттары уҡыусыларҙы ҡабул итергә әҙерләнә. Мәскәүҙә үткән “Рәсәй именлеге нигеҙе – милләт сәләмәтлеге” Бөтә Рәсәй форумында Башҡортостан Хөкүмәте рәйесенең беренсе урынбаҫары Андрей Назаров “Төбәк уҡыу йорттарында...

12 августа 2020
Көндәр һыуыта | ГТРК «Башкортостан»

Көндәр һыуыта

Башҡортостанда киләһе төндә һалҡынайта. Таулы райондарҙа һауа температураһының ике градус йылыға ҡалыуы ихтимал. Гидрометеорология һәм тирә-яҡ мөхитте күҙәтеү үҙәгенең Башҡортостан идаралығы белгестәре республика райондарында төндә һауа температураһының тик 7-12 градус йылы булырын күҙаллай. 13...

12 августа 2020
“Ауыл тренеры” старт ала | ГТРК «Башкортостан»

“Ауыл тренеры” старт ала

“Ауыл тренеры” программаһы сиктәрендә быйыл спорттың 11 төрө буйынса күнегеүҙәр биргән тәүге 15 кеше 600 мең һум күләмендәге аҡсалата ярҙам аласаҡ. Был хаҡта Республика башлығы Радий Хәбиров социаль селтәрҙәге сәхифәһендә белдерҙе. Дәүләт ярҙамына лайыҡ беренсе ауыл тренерҙары Архангел, Бәләбәй,...

12 августа 2020
Смотреть видео Ирәндек моңдары-Сибайҙа | ГТРК «Башкортостан»

Ирәндек моңдары-Сибайҙа

Башҡорт халыҡ йырҙарын башҡарыусыларҙың ун бишенсе төбәк-ара “Ирәндек моңдары” конкурсы быйыл онлайн-форматта үтә. Еңеүсегә бүләк итеп автомобиль тапшырыласаҡ. Конкурста Башҡортостандан, Ҡурған, Мәскәү, Силәбе өлкәләренән, Ханты-Мансы автономиялы округынан 200 башҡарыусы ҡатнаша. Ижади бәйгенең...

12 августа 2020
Смотреть видео Башҡортостанда урып йыйыу эштәре йылдам бара | ГТРК «Башкортостан»

Башҡортостанда урып йыйыу эштәре йылдам бара

Көндәрҙең боҙолоп тороуына ҡарамаҫтан, Башҡортостанда урып йыйыу эштәре йылдам бара. Ауыл хужалығы министрлығынан хәбәр итеүҙәренсә, 900 мең тонна самаһы иген һуғылған. Үткән йыл менән сағыштырғанда гектар көсө 7 центнерға күберәк. Был, тәү сиратта, минераль ашламаларҙы киң ҡулланыуға, юғары уңыш...

12 августа 2020
Смотреть видео Республика юлдарында 200-ҙән ашыу иҫерек водитель ҡулға алынды | ГТРК «Башкортостан»

Республика юлдарында 200-ҙән ашыу иҫерек водитель ҡулға алынды

74-се йылғы ирҙең урам буйлап иҫерек килеш автомобиль йөрөткәнен күреп күршеләре юл инспекторҙарына хәбәр итә. Автоһәүәҫкәр ҡайһы машинала ултырғанын да, ни өсөн кейемһеҙ икәнлеген дә аңлата алманы.Әммә ир алкотестер күреү менән бер аҙ айный төштө.  Инспекторҙар ирҙе наркология диспансерына...

12 августа 2020
Смотреть видео Бөгөн Рәсәйҙә “Курск” атом һыу аҫты кәмәһендәге һәләкәт ҡорбандарын иҫкә алалар | ГТРК «Башкортостан»

Бөгөн Рәсәйҙә “Курск” атом һыу аҫты кәмәһендәге һәләкәт ҡорбандарын иҫкә алалар

2000-се йылдың 12-се авгусында Төньяҡ флоттың Баренц диңгеҙендәге күнекмәләре барышында субмарина 108 метр тәрәнлектә бата. Экипаждың 118 ағзаһы ла һәләк була. Рәсәй президенты указына ярашлы, бортта булған барлыҡ диңгеҙселәр үлгәндән һуң, *Батырлыҡ* ордены менән бүләкләнде, карап командирына Рәсәй...

12 августа 2020
Смотреть видео Яңы хосписҡа нигеҙ ташы һалынды | ГТРК «Башкортостан»

Яңы хосписҡа нигеҙ ташы һалынды

Башҡортостанда хоспистарға хәйриә ярҙамы күрһәтеү буйынса “Вера” фондын ойоштороусы Нюта Федермессерҙың эш сәфәре дауам итә. Йәмәғәт эшмәкәре Өфөлә үткән айҙа башланған хоспис төҙөлөшө майҙанында эштәр барышына юғары баһа бирҙе. 60 урынға иҫәпләнгән хоспис бинаһы 2021 йылда пациенттар өсөн асыуға...

12 августа 2020
Смотреть видео Башҡортостанда Ковид-19 сирен йоҡтороусылар 7 мең 93-кә етте.  | ГТРК «Башкортостан»

Башҡортостанда Ковид-19 сирен йоҡтороусылар 7 мең 93-кә етте.

5 мең 384 кеше һауығып сыҡҡан, 29 пациент ауыр хәлдә ҡала. Уларҙың туғыҙы үпкәне яһалма елләтеү аппаратына тоташтырылған.  Пандемия башланғандан алып коронавирустан 25 кеше һәләк булған. Белгестәр тағы ла бер тапҡыр ауырыуҙан һаҡланыу өсөн битлектәр кейеү кәрәклеге тураһында иҫкәртә.

12 августа 2020
Смотреть видео Террор ғәмәле әҙерләүсе ҡулға алынды | ГТРК «Башкортостан»

Террор ғәмәле әҙерләүсе ҡулға алынды

Федераль именлек хеҙмәтенең Башҡортостандағы идаралығы хеҙмәткәрҙәре Нефтекамала урындағы хакимиәт бинаһын яндырыу юлы менән террор ғәмәле ҡылырға йыйыныусыны ҡулға алды. Дәүләт власы органдары эшмәкәрлеген ҡаҡшатыу, конституцион ҡоролошҡа ҡаршы халыҡты йәлеп итеү маҡсатында ул Интернет селтәрендә...

12 августа 2020