Башҡортостан донъяны ялмап алған пандемияға әҙер

Ауырыуҙы сикләүҙең төп юлдары тураһында республика етәксеһе Радий Хәбиров ҡатнашлығындағы кәңәшмәлә әйтелде. Башҡортостан коронавирусҡа әҙер булырға тейеш. Был ауырыу бөгөн йәки иртәгә республика биләмәләренә барыбер үтеп инәсәк. Сиргә иғтибар итмәү, йә уны бөтөнләй һанға һуҡмау алйотлоҡҡа тиң.

Әгәр Башҡортостанда ауырыусылар табыла икән, етәкселек быны йәшермәйәсәк. Ошо хаҡта Радий Хәбиров Хөкүмәттә үткән оператив кәңәшмәлә белдерҙе. Тағы бер яңылыҡ, сирлеләрҙе дауалаусы табип-инфекционистарға өҫтәмә түләүҙәр ҡарала. Башҡортостан башлығы финанстар министрлығы алдында ошондай бурыс ҡуйҙы.

Республика етәксеһе дүшәмбелә Башҡортостан халҡына махсус мөрәжәғәт яһаны. Ҡағиҙә боҙоусоларҙы яза көтә. Башҡортостан етәкселеге араһында карантинға китеүселәр бар. Исемлектә Өфө ҡалаһы хакимиәте башлығы, финанстар министры һәм Өфө районы хакимиәте башлығы бар. Һуңғы арала Башҡортостанда 15 мең ярым кеше сит илдәрҙә булып ҡайтҡан.

Сәйәхәтселәр араһынан 4 ярым проценты тейешле ҡағиҙәләргә бөтөнләй ҡолаҡ һалмаған. Радий Хәбировтың айырым бойороғона ярашлы, район-ҡалаларҙа махсус тикшереүҙәр тамамланырға тейеш. Уның һөҙөмтәләренән һуң урындарҙа тағы бер тапҡыр тикшереү көтөлә. Был юлы иһә коронавирус таралған Рәсәй субьекттарынан ҡайтыусылар сәләмәтлеге аныҡлана.

Республика дарыуханаларын медицина битлектәре менән тәьмин итеү беренсе урынға сығарыла. Ковид19 вирусы сәләмәтлеккә генә түгел, иҡтисадҡа ла йоғонто яһай. Башҡортостан хәҙер күп кенә обьекттарҙы төҙөүҙән баш тартырға мәжбүр буласаҡ. Был бюджет аҡсаларын экономиялау өсөн яһалған аҙым.

Коронавирус иҡтисад ҡына түгел, ә йәшәйештең бөтә өлкәһенә үҙ ҡағиҙәһен индерә. Мәктәптәр беренсе апрелгә тиклем яҙғы каникулдарға ябылһа, апрелдең алтыһына тиклем дистанцион уҡытыу алып барыласаҡ.Дүшәмбенән республикалағы барлыҡ колледж һәм техникумдар, университет, институттар ябыла.

Студенттар йорттарына ҡайтарылып, белем биреү дистанцион режимға күсерелә. Коронавирус арҡаһында республика халҡында ҡурҡыныс тыуғайны. Күптәр ризыҡты алдан һатып алыуҙы хуп күрҙе. Шуныһы ла бар. Башҡортостан халҡына аслыҡ янамай. Хаҡтар ҙа элекке кимәлдә ҡала.

Ковид19 вирусы сәбәпле, Башҡортостан бөтә мөмкинлектәр күрә. Республика бассейндар, кинотеатрҙарҙы тулыһынса яба. Башҡортостан, короновирус сәбәпле сит илдә ҡалған граждандарын ҡайтарыуҙы үҙ өҫтөнә ала. Пандемия менән бергә тағы ла бер  мәсьәләгә иғтибар кәрәк. Ул – Башҡортостан башлығы тарафынан иғлан ителгән “таҙалыҡ көндәре”.

Тик әлегә Радий Хәбировтың һүҙенә 9 район башлығы бөтөнләй ҡолаҡ һалмаған. Республиканы короновирус ҡына түгел, ә көндәлектең башҡа хәүефһеҙ шарттары борсой. Башҡортостан бөгөн янғындар, авариялар һанын кәметеү юлдарын барлай. Ҙур ташҡынды имен уҙғарыу ҙа беренсе урынға сығарыла.

Республикала Бөйөк Еңеүҙең 75  йыллығына бағышланған сараларҙы күҙ уңынан ысҡындырмай. Короновирусҡа бәйле Башҡортостан иҡтисадтың хәле тотороҡло булһын өсөн, кесаҙнала махсус Бойороҡ донъя күрәсәк.

Смотрите нас в YouTube


һУҢҒЫ ХӘБӘРҘӘР

Мәктәптә коронавирусҡа ҡаршы яңы алымдар индерелә | ГТРК «Башкортостан»

Мәктәптә коронавирусҡа ҡаршы яңы алымдар индерелә

Төбәктә коронавирус менән бәйле хәл үҙгәрешһеҙ ҡалһа өс аҙнанан урта белем биреү йорттары уҡыусыларҙы ҡабул итергә әҙерләнә. Мәскәүҙә үткән “Рәсәй именлеге нигеҙе – милләт сәләмәтлеге” Бөтә Рәсәй форумында Башҡортостан Хөкүмәте рәйесенең беренсе урынбаҫары Андрей Назаров “Төбәк уҡыу йорттарында...

12 августа 2020
Көндәр һыуыта | ГТРК «Башкортостан»

Көндәр һыуыта

Башҡортостанда киләһе төндә һалҡынайта. Таулы райондарҙа һауа температураһының ике градус йылыға ҡалыуы ихтимал. Гидрометеорология һәм тирә-яҡ мөхитте күҙәтеү үҙәгенең Башҡортостан идаралығы белгестәре республика райондарында төндә һауа температураһының тик 7-12 градус йылы булырын күҙаллай. 13...

12 августа 2020
“Ауыл тренеры” старт ала | ГТРК «Башкортостан»

“Ауыл тренеры” старт ала

“Ауыл тренеры” программаһы сиктәрендә быйыл спорттың 11 төрө буйынса күнегеүҙәр биргән тәүге 15 кеше 600 мең һум күләмендәге аҡсалата ярҙам аласаҡ. Был хаҡта Республика башлығы Радий Хәбиров социаль селтәрҙәге сәхифәһендә белдерҙе. Дәүләт ярҙамына лайыҡ беренсе ауыл тренерҙары Архангел, Бәләбәй,...

12 августа 2020
Смотреть видео Ирәндек моңдары-Сибайҙа | ГТРК «Башкортостан»

Ирәндек моңдары-Сибайҙа

Башҡорт халыҡ йырҙарын башҡарыусыларҙың ун бишенсе төбәк-ара “Ирәндек моңдары” конкурсы быйыл онлайн-форматта үтә. Еңеүсегә бүләк итеп автомобиль тапшырыласаҡ. Конкурста Башҡортостандан, Ҡурған, Мәскәү, Силәбе өлкәләренән, Ханты-Мансы автономиялы округынан 200 башҡарыусы ҡатнаша. Ижади бәйгенең...

12 августа 2020
Смотреть видео Башҡортостанда урып йыйыу эштәре йылдам бара | ГТРК «Башкортостан»

Башҡортостанда урып йыйыу эштәре йылдам бара

Көндәрҙең боҙолоп тороуына ҡарамаҫтан, Башҡортостанда урып йыйыу эштәре йылдам бара. Ауыл хужалығы министрлығынан хәбәр итеүҙәренсә, 900 мең тонна самаһы иген һуғылған. Үткән йыл менән сағыштырғанда гектар көсө 7 центнерға күберәк. Был, тәү сиратта, минераль ашламаларҙы киң ҡулланыуға, юғары уңыш...

12 августа 2020
Смотреть видео Республика юлдарында 200-ҙән ашыу иҫерек водитель ҡулға алынды | ГТРК «Башкортостан»

Республика юлдарында 200-ҙән ашыу иҫерек водитель ҡулға алынды

74-се йылғы ирҙең урам буйлап иҫерек килеш автомобиль йөрөткәнен күреп күршеләре юл инспекторҙарына хәбәр итә. Автоһәүәҫкәр ҡайһы машинала ултырғанын да, ни өсөн кейемһеҙ икәнлеген дә аңлата алманы.Әммә ир алкотестер күреү менән бер аҙ айный төштө.  Инспекторҙар ирҙе наркология диспансерына...

12 августа 2020
Смотреть видео Бөгөн Рәсәйҙә “Курск” атом һыу аҫты кәмәһендәге һәләкәт ҡорбандарын иҫкә алалар | ГТРК «Башкортостан»

Бөгөн Рәсәйҙә “Курск” атом һыу аҫты кәмәһендәге һәләкәт ҡорбандарын иҫкә алалар

2000-се йылдың 12-се авгусында Төньяҡ флоттың Баренц диңгеҙендәге күнекмәләре барышында субмарина 108 метр тәрәнлектә бата. Экипаждың 118 ағзаһы ла һәләк була. Рәсәй президенты указына ярашлы, бортта булған барлыҡ диңгеҙселәр үлгәндән һуң, *Батырлыҡ* ордены менән бүләкләнде, карап командирына Рәсәй...

12 августа 2020
Смотреть видео Яңы хосписҡа нигеҙ ташы һалынды | ГТРК «Башкортостан»

Яңы хосписҡа нигеҙ ташы һалынды

Башҡортостанда хоспистарға хәйриә ярҙамы күрһәтеү буйынса “Вера” фондын ойоштороусы Нюта Федермессерҙың эш сәфәре дауам итә. Йәмәғәт эшмәкәре Өфөлә үткән айҙа башланған хоспис төҙөлөшө майҙанында эштәр барышына юғары баһа бирҙе. 60 урынға иҫәпләнгән хоспис бинаһы 2021 йылда пациенттар өсөн асыуға...

12 августа 2020
Смотреть видео Башҡортостанда Ковид-19 сирен йоҡтороусылар 7 мең 93-кә етте.  | ГТРК «Башкортостан»

Башҡортостанда Ковид-19 сирен йоҡтороусылар 7 мең 93-кә етте.

5 мең 384 кеше һауығып сыҡҡан, 29 пациент ауыр хәлдә ҡала. Уларҙың туғыҙы үпкәне яһалма елләтеү аппаратына тоташтырылған.  Пандемия башланғандан алып коронавирустан 25 кеше һәләк булған. Белгестәр тағы ла бер тапҡыр ауырыуҙан һаҡланыу өсөн битлектәр кейеү кәрәклеге тураһында иҫкәртә.

12 августа 2020
Смотреть видео Террор ғәмәле әҙерләүсе ҡулға алынды | ГТРК «Башкортостан»

Террор ғәмәле әҙерләүсе ҡулға алынды

Федераль именлек хеҙмәтенең Башҡортостандағы идаралығы хеҙмәткәрҙәре Нефтекамала урындағы хакимиәт бинаһын яндырыу юлы менән террор ғәмәле ҡылырға йыйыныусыны ҡулға алды. Дәүләт власы органдары эшмәкәрлеген ҡаҡшатыу, конституцион ҡоролошҡа ҡаршы халыҡты йәлеп итеү маҡсатында ул Интернет селтәрендә...

12 августа 2020