Өфөлә йәмәғәт транспорттарын һәм туҡталыштарын дезинфекциялайҙар

Пандемия ваҡытында Рәсәй хөкүмәте икенсе илдәр менән авиабәйләнеште тағы ла нығыраҡ сикләргә ҡарар итте.  Мостай Кәрим исемендәге Өфө аэропорты  сит илдәргә рейстарҙы туҡтатты. Осоуҙар эске рейстар буйынса ғына башҡарыла. Был сара республикаға коронавирустың үтеп инеүен тотҡарлау  маҡсатында башҡарыла. 

Башҡортостанда юғары  әҙерлек режимында  профилактика сараларына айырыуса иғтибар бүленә.  Ойошмалар хеҙмәткәрҙәрен дистанцион  эшкә күсерә. Өфөлә  йәмәғәт транспорттарын һәм  туҡталыштарын дезинфекциялау эше башланды. Йорт шарттарында рәсми осрашыуҙар, скайп аша кәңәшмәләр, клиенттар менән бәйләнеш.

Айрат Ғилманов  икенсе  аҙна үҙ эшен дистанцион рәүештә башҡара. Егет керамогранит етештереү компанияһының Башҡортостан буйынса вәкиллегенә етәкселек итә. Күптән түгел, эш биреүсе хеҙмәткәрҙәрен алыҫтан эшләү ысулына күсергән.  Хәҙер бөтә эш телефон һәм компьютер аша башҡарыла.

Рәсәйҙә коронавирус таралыу сәбәпле  үҙ хеҙмәткәрҙәрен дистанцион эшләү ысулына дәүләт ҡарамағындағы ҙур ойошмалар ҙа күсерә.  Ирина Вяткина  Рәсәй почтаһында тауарҙар  һатыу алыу эшен алып бара.  Бөтә эш электрон рәүештә башҡарыла. Шуға ла эш урынын үҙ йортонда булдырған ҡатынға ваҡытлыса сара ҡатмарлыҡтар тыуҙырмай.

Барыһын да эштең онлайн форматына күсереү әлегә мөмкин түгел, ти эш биреүселәр. Шуға ла урындарҙа ҡалған хеҙмәткәрҙәргә  шәхси гигиена ҡәғиҙәләрен теүәл үтәргә, эш урындарында  дезинфекция үткәрергә, бүлмәләрҙе елләтергә, мотлаҡ рәүештә битлектәр кейергә ҡушыла.

Республикаға коронавирустың үтеп инеүен тотҡарлау  маҡсатында, йәмәғәт транспорты туҡталыштарын дезинфекциялау эше лә  башланды.  Санитар эшкәртеүгә айырым кешеләр  йәлеп ителде.  Дезинфекция эше бер нисә этаптан үтә.  Башта туҡталыштар  бысраҡ, туҙандан йыуыла,  һуңынан хлорланған һыу менән эшкәртелә.

Тулыһынса киптерелгәндән һуң ғына туҡталыш ҡулланыуға әҙер, тип иҫәпләнә. Яҡын арала Өфөлә бөтә йәмәғәт транспорты туҡталыштарын санитар эшкәртеү планлаштырыла. Водителдәр  маршрутҡа сығырға әҙерләнә. Көндәлек әҙерлек эштәренә хәҙер автобус салонын  санитар эшкәртеү ҙа өҫтәлде.

Һәр автобуста  көнөнә ике тапҡыр дезинфекция үткәрелә.  Ултырыу урындары, тотҡалар махсус ҡатнашма менән таҙартыла. Дезинфекциянан һуң автобус  йәнә һабынлы һыу менән йыуыла. Киптереп, елләткәндән һуң ғына  үҙ маршрутына сығарыла. Республикала бөтә водителдәргә һәм кеше менән эшләгән башҡа транспорт өлкәһе хеҙмәткәрҙәренә  битлек кейергә ҡушылды.  Медицина битлеген   халыҡ күп йөрөгән урындарға сыҡҡан һәр кемгә лә кейергә кәңәш итә белгестәр.

Подпишитесь на нас в Instagram


һУҢҒЫ ХӘБӘРҘӘР

Смотреть видео Нефтекамала букмекер салоны урынына ҡомарлы уйындар залы асҡандар | ГТРК «Башкортостан»

Нефтекамала букмекер салоны урынына ҡомарлы уйындар залы асҡандар

Нефтекама ҡалаһында букмекер контораһы исемле аҫтында йәшенеп эшләгән уйын клубын тикшерҙеләр. Закон боҙоусыларҙы ҡулға алыр өсөн көс структураларына махсус операция үткәрергә тура килгән. Был компанияның букмекер контораһы исемлегендә йәшерен эшләп килеүе һәм кешеләрҙе ылыҡтырыуы күптән билдәле...

1 июня 2020
Смотреть видео Легаль булмаған такси водителдәрен яуапҡа тарттыралар | ГТРК «Башкортостан»

Легаль булмаған такси водителдәрен яуапҡа тарттыралар

Легаль булмаған такси машиналары  йәнә тикшереү органдарының иғтибар үҙәгендә.  Рәсәй Ҡулланыусылар хоҡуғын  күҙәтеү хеҙмәте Башҡортостан идаралығы юл хәүефһеҙлеге дәүләт инспекцияһы менән берлектә рейдҡа сыҡты. Хәҙер  юл ҡағыҙын тикшереүҙән тыш санитар нормаларҙың үтәлеүе...

1 июня 2020
Смотреть видео Спиртлы эсемлектәр һатыусы кибеттәр өсөн яңы ҡағиҙә | ГТРК «Башкортостан»

Спиртлы эсемлектәр һатыусы кибеттәр өсөн яңы ҡағиҙә

Торлаҡ йорттарҙа алкоголь эсемлектәр һатыу тыйыла. Өфөлә күп ҡатлы йорттарҙа һәм улар янындағы биләмәләрҙә майҙаны 25 квадрат метрҙан әҙерәк булған йәмәғәт туҡланыу урындарының эшмәкәрлеген тыйыусы закон ҡабул иттеләр. Был кафела закондағы яңы үҙгәрештәр тураһында ишетмәгәндәр. Элеккеләрен дә...

1 июня 2020
Смотреть видео  “Алға” иҡтисади зонаһы төҙөләсәк | ГТРК «Башкортостан»

“Алға” иҡтисади зонаһы төҙөләсәк

Рәсәй Хөкүмәте рәйесе Михаил Мишустин Башҡортостанда “Алға” айырым иҡтисади зона булдырыу тураһындағы Күрһәтмәне раҫланы. Был турала Башҡортостан башлығы Радий Хәбиров социаль селтәрҙәрҙә яҙып сыҡты.  Яңы проект Азиялағы иң ҙур газ һәм химия тауарҙары кластеры буласаҡ. Тап ул урындағы ҡаҙнаға...

1 июня 2020
Смотреть видео Башҡортостан райондары дауылдан зыян күрҙе | ГТРК «Башкортостан»

Башҡортостан райондары дауылдан зыян күрҙе

Уҙған кис республика райондары аша уҙған дауыл арҡаһында зыян күргән ауылдар ҙа бар. Шишмәлә, мәҫәлән, боҙборсаҡтар сейә емешенән ҙурыраҡ булған. Өфө районында яуған боҙборсаҡтың диаметры 4 сантиметрға тиклем етте. Ә Бүздәктә иһә дауыл мәлендә йорттарҙың ҡыйыҡтары емерелә. Хәлдәр Ҡаңны Төркәй...

1 июня 2020
Смотреть видео «Бәләкәй тыуған ил мәҙәниәте» проекты | ГТРК «Башкортостан»

«Бәләкәй тыуған ил мәҙәниәте» проекты

Был  проект республикабыҙҙың тиҫтәнән ашыу райондарында уҙғарылған. Уны тормошҡа ашырыу өсөн 50 миллион һум аҡса бүленгән. Ул аҡсаға ауылдың мәҙәниәт усағына төрлө йыһаздар, музыкаль инструментар, костюм, компьютер, тегеү машиналары алынған. 

29 мая 2020
Смотреть видео “Беҙ бергә” | ГТРК «Башкортостан»

“Беҙ бергә”

Ғәҙәттә, алып барыусылар залда ултырған тамашасыларҙы сәләмләһә, был юлы уларға телевизорҙар аша өндәшергә тура килде. Пандемия сәбәпле, Башҡорт дәүләт филармонияһы 81-се концерт миҙгелен ябыу айҡанлы концертын онлайн режимда уҙғарырға ҡарар итә. “Башҡортостан” дәүләт телерадиокомпанияһы менән...

29 мая 2020
Смотреть видео Һөт кухняһы | ГТРК «Башкортостан»

Һөт кухняһы

Һуңғы ике йылда республикала «Һөт кухнялары» эшен  тергеҙеү әүҙем бара. Нефтекама   ҡалаһындағы   махсуслаштырылған цех бына инде бер нисә аҙна эргә-тирәлә урынлашҡан Әмзә, Энергетик, Арлан һәм Ҡуян ауылдарын һөт продукцияһы менән тәьмин итә. Һөт,кефир, эремсек һәм йогуртты...

29 мая 2020
Смотреть видео Эшҡыуарҙар аҙнаһы үтте | ГТРК «Башкортостан»

Эшҡыуарҙар аҙнаһы үтте

Һәр смена һайын Өфөнөң лак-буяу заводында  5 тоннаға яҡын продукция етештерәләр. Эмаль, буяу, шпатлевканың сифатын лабораторияла тикшереп бар республиканы ошо продукция менән тәъмин итәләр.   Ярты быуат эшләү осоронда етештереү бер генә тапҡыр - коронавирус пандемияһы ваҡытында ике...

29 мая 2020
Смотреть видео Табиптар ҡан плазмаһын тапшырҙы | ГТРК «Башкортостан»

Табиптар ҡан плазмаһын тапшырҙы

Донор булырға теләүселәр ҡан тапшырыр алдынан мотлаҡ рәүештә махсус һорауҙарға яуап бирә. Һуңынан үҙенең ҡан төркөмөн һәм гемоглобинын тикшертә. Ҡан тапшырырға теләүселәр, әлбиттә, бындай процедураны беренсегә үтмәй, шулай ҙа ҡағиҙә иҫкә төшөрөү отошлораҡ.   Короновирус йоҡтороусы...

29 мая 2020
Яндекс.Метрика