Рәсәй һәм донъя хәбәрҙәре

Мәскәү Баку һәм Ереванды тыныслыҡ урынлаштырыу тураһындағы килешеүҙе һаҡларға сағыра. Рәсәйҙең сит ил эштәре министры Сергей Лавров Әрмәнстан министры Зограб Мнацаканян менән берлектәге матбуғат ултырышында Рәсәй, Әзербайжан һәм Әрмәнсан тарафынан ҡабул ителгән өс яҡлы килешеүҙе тайпылышһыҙ үтәп, Таулы Карабахтағы хәлдәрҙе яйға һалырға саҡырҙы. Әрмәнстан министры белдереүенсә, әлеге мәлдә Әзербайжан үҙенең йөкләмәләрен үтәмәй. Ә Әзербайжан яғынан килгән мәғлүмәт буйынса, 11 октябрь әрмән хәрби көстәре  Әзербайжандың,  ҙурлығы буйынса икенсе һаналған, Гяндже ҡалаһына ракеталы һөжүм асҡан. Һөҙөмтәлә 10 кеше һәләк булған. Әммә Әрмәнстан оборона министрлығында был мәғлүмәтте инҡар итәләр.

Белоруссия хөкүмәте артабан протест белдереүсе халыҡҡа ҡаршы махсус саралар һәм һуғыш ҡоралдары ҡулланасағы тураһында иҫкәртә. Үткән йәкшәмбелә манифестацияла ҡатнашыусыларҙы ҡаты рәүештә ҡыуғандар, 700 –ләгән кешене полиция бүлектәренә япҡандар. Ә дүшәмбелә Минск урамдарына  хаҡлы ялдағылар сыҡты. Уларҙың акцияһы «Өләсәйҙәр халыҡ менән» тигән исем алған. Брюссель быға тиклем юғары дәрәжәле белорусь чиновниктарына ҡаршы сакциялар индергәйне. Әгәр халыҡ менән ҡаты мөғәлләмә щулай уҡ дауам итһә,Евросоюз  дәүләт башлығы Александр Лукошенкоға ҡаршы ла сикләүҙәр ҡабул итеү менән янай.   Минск урамдарында протест белдереү саралары хәҙер ике ай дауамында бара. Манифестациялар халыҡтың  президент һайлауҙары һөҙөмтәләре менән килешмәүе сәбәпле ойошторола.

Германияның Бремерхафен ҡалаһында «Поларштерн-Поляр йондоҙ» судноһының Арктикаға тарихтағы иң ҙур ғилми экспедицияларының береһе тамамланды. Боҙ ярғыс Төнъяҡ боҙло океаны буйлап йыл дауамында ғилми сәйәхәттә булып ҡайтҡан. Ғалимдар әйтеүенсә, боҙло океан яйлап ҡына үлеп бара. 389 көн дауамында 19 илдән йыйылған белгестәр глобаль йылыныу тураһында мөһим мәғлүмәттәр йыйған. Экспедиция етәксеһе Маркус Рекс белдереүенсә, был боҙло океанды тикшереүҙәге тарихта төп этаптарҙы билдәләүсе экспедиция. Бик күп асыштар эшләнгән, улар артабан климатты тикшереүҙә яңы мөмкинлек бирә.Бремерхан ҡалаһы халҡы ла был экспедицияның ҡайтыуын тарихи ваҡиға тип баһалай.

Подпишитесь на нас в Пульс