Рәсәй һәм донъя хәбәрҙәре

Нигерия балалары уҡырға бара. Ярты йыл буйына өйҙә белем алырға мәжбүр булған Нигерия уҡыусылары өсөн, ниһайәт, мәктәп ишектәре асылды. Ҡәтғи талап – санитар   ҡағиҙәләрҙе үтәргә.  Социаль арауыҡты һаҡлау өсөн класстағы балалар ике төркөмгә бүленгән. Һәр бала битлек кейеп йөрөргә тейеш.  Нигерия Республикаһы Африка илдәре араһында  короновирус инфекцияһы иң таралған дәүләттәр иҫәбендә. Әлеге ваҡытта инфекция йоҡтороусылар һанының кәмеүе күҙәтелә был илдә.

Пандемия осоронда Көньяҡ Корея халҡының кәйефен күтәреү маҡсатында плантацияларҙа лозунгтар барлыҡҡа килде. Сунчхона ҡалаһында йәшәүсе фермерҙар һәм балалар  дөгөнөң төрлө сорттарын файҙаланып һүрәттәр ҙә төшөргән.Ә  ситтәренә ҡоштарҙы өркөтөү өсөн ҡарасҡылар эшләп ҡуйған улар.  Фермерҙар белдереүенсә әҙерлеккә бер нисә ай ваҡыт киткән.

Бразилия янғында. Ошондай яҙыу менән Амазонияның янғындан һуң яланғасланып ҡалған бер урманында Бразилия президенты Жаир Болсонаруның статуяһы барлыҡҡа килде. Гринпис экологтар бындай ысул менән дәүләт етәкселәренең экологик хәлгә иғтибар итергә саҡыра. Уларҙың фекеренсә, йәй аҙағынд башланған янғындар һуңғы 10 йыл арауығындағы иң көслөһө.Ә Жаир Болсонару был мәғлүмәтте инҡар итә һәм урман янғындарының артыуы  тураһындағы хәбәрҙәрҙең дөрөҫлөккә тап килмәүе тураһынд  белдерә.

Испания ковид менән көрәшкә ныҡлап тотонған. Илдең Аскойтия муниципалитетында 17-енән алып 60 йәшкә тиклемге һәр кемдән короновирус инфекцияһна тест алалар. Хөкүмәт ошо юл менән пандемия темпын кәметергә ниәтләй. Шулай уҡ төбәк етәкселеге карантин сараларын ҡәтғиләштерергә һәм көсәйтергә  ҡарар ҡабул иткән.

Аллозавр һөлдәһен 3 миллион евроға. Парижда урынлашҡан Друо аукцион йорто яңыраҡ ошондай хаҡҡа 150 млн йылдан ашыу элек йәшәгән динозавр һөлдәһен һатты. Уның бейеклеге 3, оҙонлоғо 10 метр.  Бөтә һөлдәнең 70 проценты һаҡланған. Фәндә иң ҙур йыртҡыстар исемлегендә булған аллозаврҙы һатып алыусы исемен белгертмәҫкә ҡарар иткән. Антикварҙар билдәләүенсә һуңғы ваҡытта динозавр һөлдәләренә ихтыяж үҫә.

Подпишитесь на нас в Google Новости