Салауат вариҫтары еңелеү белмәй

Башҡорт дәүләт академия драма театры сәхнәһендә Ватан һаҡсылары көнө уңайынан “Салауат вариҫтары еңелеү белмәй” спектакле күрһәтелде. Ул совет хәрби етәксеһе, 112-се Башҡорт кавалерия девизияһы командиры Миңлеғәли Шайморатовтың тормош юлына арналған. Генерал Шайморатов иҫтәлеген мәңгеләштереү буйынса республикала байтаҡ саралар күрелә. Уның исемен мәктәптәрҙә “шайморатов кластары” йөрөтә, батырлыҡ һәм ҡыйыулыҡ күрһәткән өсөн төбәк дәүләт наградаһы — Шайморатов ордены тапшырыла, Өфөләге Совет майҙанында Рәсәй геройы хөрмәтенә һәйкәл ҡорола. Данлыҡлы комдив тураһындағы спектаклдең атамаһы осраҡлы түгел. “Салауат вариҫтары еңелеү белмәй” – тип  генерал Шайморатовтың яугирҙәрҙе атакаға әйҙәгәне мәғлүм. Премьера үткән йылдың ноябрендә театрҙың бәләкәй залында үткәйне. Ниһайәт, спектакль ҙур сәхнәлә. Зал күләмле реконструкциянан һуң асылды. Тамашасылар араһында Радий Хәбиров та бар.  112-се башҡорт кавалерия девизияһының яу юлы бихисап әҙәби әҫәрҙәрҙә тасуирланған. Бөйөк Ватан һуғышы йылдарында башҡа бер дивизия ла Советтар Союзы геройы исеменә лайыҡ яугирҙәр иҫәбен был һанға еткерә алмай — башҡорт атлыларының етмеш һигеҙе дәүләттең иң юғары наградаһы менән бүләкләнгән. Йәнә биш яугир Дан орденының тулы кавалеры. Миңлеғәли Шайморатов 1943 йылдың 23 февралендә фашистар менән ҡаты алышта һәләк була. Данлыҡлы комдивтың батырлығын таныу маҡсатындағы оҙайлы эш һуғыш тамамланғас та башлана. Тарихи ғәҙеллеккә 77 йылдан һуң ғына өлгәшелә. 2020 йылдың 20 мартында Президет Владимир Путин Миңлеғәли Минһаж улына үлгәндән һуң Рәсәй Геройы исемен бирергә ҡарар итте. 9 майҙа “Алтын Йондоҙҙо” республиканың Милли музейына мәңгелек һаҡҡа тапшырыу тантанаһы үтте. Бер йыл элек Башҡортостанда яңы дәүләт наградаһы – Шайморатов ордены раҫланды. Ватан һаҡсылары көнө алдынан ете яҡташыбыҙ ошо орден менән бүләкләнде. Генерал Шайморатов — тыуған илде һөйөү һәм һаҡлау өлгөһө. Батырлыҡ йолалары менән ҡыйыулыҡ миҫалдарын артабан таратыу маҡсатында республика мәктәптәрендә “Шайморатов кластары” туплана. Уларға иң яҡшыларҙың яҡшылары һайлап алына. Йәш шайморатовсылар башланғыс хәрби әҙерлек үтә, һыбай йөрөргә өйрәнә, ҡурайҙа уйнай, бейеү күнегеүҙәре ала, классик офицер белемен үҙләштерә. Өфөлә халыҡ геройы генерал Шайморатовҡа һәйкәл әҙерләнә. Уны башҡаланың Совет майҙанында урынлаштырыу көтөлә. Монумент проектын республика халҡы һайлап алды.

Подпишитесь на наш Telegram-канал


һУҢҒЫ ХӘБӘРҘӘР

Смотреть видео Алтынай Вәлитовтың  концерты үтәсәк  | ГТРК «Башкортостан»

Алтынай Вәлитовтың концерты үтәсәк

Өфө уттары клубының Колизео Тинькофф холында Алтынай Вәлитовтың  концерты үтәсәк. 25-тән ашыу йыр ижад итеүсе егет әле сығышҡа әҙерләнә. Йырҙан тыш, концертҡа килгән тамашасыларҙы төрлө бүләктәр, башҡа артистарҙың сығышы көтәсәк.  Йыр яҙҙырыу студияһы минең өсөн икенсе өйгә әйләнде, ти...

15 апреля 2021
Смотреть видео 16 апрелдә Башҡортостанда  Милли кейем көнө билдәләнә | ГТРК «Башкортостан»

16 апрелдә Башҡортостанда Милли кейем көнө билдәләнә

 Республика халыҡ ижады үҙәге ошо уңайҙан бихисап саралар ойоштора. Социаль селтәрҙә әле бер юлы ике акция бара. Тәүгеһе – «Дуҫлыҡ бейеүе». Унда республиканың бейеү коллективтары ҡатнаша ала. Төрлө милли кейемдәрҙә 2-3 минутлыҡ бейеү күрһәтергә кәрәк. 16 апрелдә Милли кейем көнөнә бағышланған...

15 апреля 2021
Смотреть видео Башҡортостан 24 каналында Стәрлетамаҡ дәүләт театр-концерт берләшмәһе көнө уҙҙы | ГТРК «Башкортостан»

Башҡортостан 24 каналында Стәрлетамаҡ дәүләт театр-концерт берләшмәһе көнө уҙҙы

Ошо уңайҙан берләшмә артистары Өфөгә килде һәм тапшырыуҙарҙа, матбуғат конференцияһында ҡатнашты. Көн дауамында каналда Стәрлетамаҡ башҡорт драма театрының, филармонияның спектаклдәре һәм  концерттары барҙы. Бына улар – республиканың иң үҙенсәлекле ижади коллективы артистары. 6 автобусты...

15 апреля 2021
Смотреть видео Шуҡ малай шәбәйә башланы | ГТРК «Башкортостан»

Шуҡ малай шәбәйә башланы

12 ҡаттан ҡолап төшөп тере ҡалған бала һауығыуға табан бара, тип хәбәр итә табиптар. 5 йәшлек шуҡ малай менән булған хәл бөтә илде тетрәндерҙе. Малай әле  реабилитация курстары үтә. Ысынлап та, тиҙҙән был ҡыйыу малай велосипедына ла ултырыр, йүгереп тә китер. Әммә бер-ике ай көтөргө кәрәк...

15 апреля 2021
Смотреть видео Һыу баҫа | ГТРК «Башкортостан»

Һыу баҫа

Ауылдарҙы һыу баҫыуҙан йылғаларҙағы боҙ тығындарын шартлатып ҡотолоу сараһы күрелә. Башҡортостандың ғәҙәттән тыш хәлдәр буйынса дәүләт комитеты мәғлүмәттәре буйынса әле 31 йорт, 272 йорт-ҡура, 11 юл участкаһы ташҡындан зыян күргән. 14 апрелгә һыу баҫыуҙың 29 осрағы теркәлһә, шуның 19-ы күҙәтеүгә...

15 апреля 2021
Смотреть видео Мотлаҡ изоляция режимы ғәмәлдән сығарыла | ГТРК «Башкортостан»

Мотлаҡ изоляция режимы ғәмәлдән сығарыла

Башҡортостанда  65 йәштән өлкәндәр һәм хроник сирҙәре булғандар өсөн мотлаҡ изоляция режимы ғәмәлдән сығарыла.  Башҡортостан Башлығы Радий Хәбиров яңы коронавирус инфекцияһы таралыу хәүефенә бәйле «Юғары әҙерлек» тәртибе тураһында указға үҙгәрештәр индерҙе. Үҙгәрештәр бөгөндән үҙ көсөнә...

15 апреля 2021
Смотреть видео Яҙғы-баҫыу эштәре башланды | ГТРК «Башкортостан»

Яҙғы-баҫыу эштәре башланды

Башҡортостандың көнбайышында бер нисә хужалыҡ баҫыу эштәрен башланы. Ауыл хужалығы министрлығынан хәбәр итеүҙәренсә, Шаран районы фермеры Рәмил Иҙиәтуллин ужым бойҙайын туҡландырыу эшен башҡара. Туймазы районында «Өйәҙе» крәҫтиән-фермер хужалығы ужым культураларын туҡландырыуға тотондо. Ғәҙәттәгесә...

15 апреля 2021
Смотреть видео Сираттағы рейд | ГТРК «Башкортостан»

Сираттағы рейд

Водитель таныҡлығынан мәхрүм ителгән, страховкаһы юҡ, штрафтары түләнмәгән. Өфөлә Дәүләт автоинспекцияһы рейд барышында ҡағиҙә боҙоусыларҙы теркәне. Бер көн эсендә генә нисә юл хәүефһеҙлеге ҡағиҙәләрен үтәмәүселәр тотола?  Ни өсөн айырыуса иғтибар таксиҙарға йүнәлтелгән? Был водитель...

13 апреля 2021
Смотреть видео Космонавт менән тура бәйләнеш | ГТРК «Башкортостан»

Космонавт менән тура бәйләнеш

Рус драма театрында баш ҡаланың Октябрь районы хакимиәте мәктәп уҡыусылары өсөн космонавт, ике тапҡыр Советтар Союзы Геройы, Рәсәйҙең космонавтика Федерацияһы президенты Владимир Коваленок менән осрашыу үткәрҙе. Осрашыу тура бәйләнеш аша барҙы. Авиация генерал-полковнигы үҫмерҙәргә йыһан карабында...

13 апреля 2021
Смотреть видео Башҡорт балы йыһанда | ГТРК «Башкортостан»

Башҡорт балы йыһанда

 Хәҙер инде 16 йыл самаһы  космонавтарға өҫтәлмә ризыҡ булараҡ башҡорт балы ла бирелә. Махсус тюбиктарға йүкә һәм сәскәнән йыйылған  бал һалына. Республиканан халыҡ-ара йыһан станцияһына йылына 100 кг тирәһе бал оҙатыла. 2004-се йыл ошондай консервалы банкаларҙа Башҡорт балын...

13 апреля 2021
Яндекс.Метрика