Ковид 19 сигенергә уйламай | ГТРК «Башкортостан» — Новости Уфы и РБ

Ковид 19 сигенергә уйламай

 Һуңғы тәүлектә генә Өфөлә 45 осраҡ теркәлгән.   Пандемия башланғандан алып, 2 миллион 600 меңдән ашыу тест эшләнгән. Пневмония һәм киҫкен респиратор вируслы инфекция осраҡтары кәмеүгә бара.  Көн тәртибендә — юлдар торошо.   Юлдағы соҡорҙар хәүефһеҙлеккә генә янамай, а ҡалалағы транспорт хәрәкәтенә лә тотҡарлыҡтар яһай. Ҡаланың коммуналь хеҙмәттәре  юлдарҙың хәүефле участкаларында соҡорҙарҙы ямау буйынса эште 15 февралдән үк башлаған. Әлеге көнгә тиклем баш ҡала урамдарын ремонтлауға 35 тонна бетонлы асфальт киткән.  Ҡаланың төп урамдары менән бер рәттән, ихата алдарындағы юлдар ҙа иғтибар үҙәгендә. Башҡаланың коммуналь хужалыҡ идаралығы етәксеһе Рөстәм Хәмитов юлдағы соҡорҙарға ҡаршы көрәштә “Өфө ҡалаһының интерактив картаһы” сервисының әһәмиәтен юғары баһаланы һәм алдағы эш миҙгеленә ҡала хеҙмәттәре алдына ҡуйылған маҡсаттарҙы барланы. Инцидент-менеджмент системаһына Нуғай ҡасабаһы янында тимер юлы аша сыға торған ерҙә үткәүел төҙөү  үтенесе менән дә  бик күп мөрәжәғәттәр килә. Тимер юлы аша тәүлегенә 50 мәңдән ашыу автомобиль үтә.  Ә Нуғай ҡасабаһы йылдан-йыл ҙурая ғына. 2020 йылда муниципаль контракт сиктәрендә проект документацияһы әҙерләнгән. Ул Башҡортостандың дәүләт  экспертизаһы идаралығы тарафынан хуплау тапты. Проект ике этап буйынса бойомға ашырыласаҡ.  Башта Урал М5  юлындағы үткәүелдән алып  Нуғай шоссеһына тиклемге юл,  шул иҫәптән 4 һыҙатлы юл үткәргес төҙөү.  Икенсе этап Нуғай шоссеһынан алып Парковая һәм Рощинская урамдары киҫелешенә тиклемге юлды реконструкциялау. 4 һыҙатлы юлдың дөйөм  оҙонлоғо 2 саҡырымға  етә. Көн тәртибенә сығарылған сираттағы мәсьәлә–дөйөм диспансеризация. 2021 йылға 940 меңгә яҡын кешенең сәләмәтлеген тикшереү ҡарала. Һуңғы ике ай эсендә    100 меңдән ашыу кеше медицина күҙәтеүен үткән.  Уның һөҙөмтәләре буйынса  5 мең 513 ауырыу осрағы  асыҡланған. Кәңәшмәлә балаларҙың яҙғы һәм йәйге ялы ла тикшерелде. Был сараларға әҙерлек үткән йылдың сентябрендә үк башланған. Быйыл 271 ял ойошмаһы балалар өсөн үҙ ишектәрен асырға ниәтләй. Коронавирус менән бәйле хәл арҡаһында балалар һаны ғәҙәттәгенән 50 процентҡа кәмерәк буласаҡ. Яҙғы ташҡынға әҙерлек дауам итә. Миҙгелде хәүефһеҙ үткәреп ебәреү өсөн ҡала хеҙмәттәре тарафынан  бихисап эш башҡарыла. Ташҡынға ҡаршы штабтар, ваҡытлыса урынлаштырыу пункттары, тейешле техника күптән әҙер.

Читайте нас в Яндекс.Дзен


һУҢҒЫ ХӘБӘРҘӘР

Йылы көндәр оҙаҡҡа түгел | ГТРК «Башкортостан»

Йылы көндәр оҙаҡҡа түгел

Башҡортостанда йылы көндәр оҙаҡ тормай. Көндөҙ һауа температураһының 8 градустан юғары булыуы 26 сентябргә тиклем генә көтөлә. Был хаҡта Башгидрометүҙәктең рәсми сайтында хәбәр ителә. 23-26 сентябрҙә республикала көндәрҙең йылы тороуы күҙаллана. Тәүлектең уртаса температураһы +8,+10°, көн...

23 сентября 2021
Тағы ла бер ҡала мәктәптәре дистанцион уҡытыуға күсә | ГТРК «Башкортостан»

Тағы ла бер ҡала мәктәптәре дистанцион уҡытыуға күсә

Башҡортостанда 12 төбәктә мәктәп уҡыусылары өйҙән тороп уҡыу тәртибенә күскәйне. Ошондай уҡ ҡарарҙы Күмертау муниципалитеты ла ҡабул итте. 27 сентябрҙән был ҡала мәктәптәренең 5,6,7,8,10 класс уҡыусылары ситтән тороп уҡый башлай.   Өйҙән генә белем алыуға күсеү тураһындағы ҡарар ҡала...

23 сентября 2021
Оҫталарҙы “Тамға” саҡыра | ГТРК «Башкортостан»

Оҫталарҙы “Тамға” саҡыра

Республика халыҡ ижады үҙәге башҡорт халыҡ костюмы оҫталары араһында икенсе халыҡ-ара конкурс иғлан итте. “Тамға” бәйгеһендә милли кейем тегеүселәр, костюм буйынса рәссамдар, дизайнерҙар, йүнәлеш буйынса һөнәр алған 16 йәштән өлкән студенттар ҡатнаша ала.     Ғаризалар беренсе...

23 сентября 2021
Социаль селтәрҙән янау | ГТРК «Башкортостан»

Социаль селтәрҙән янау

Башҡортостандың башҡалаһында йәшәгәндәргә танылған социаль селтәр аша янаулы видео һалалар. Бер нисә аккаунттан “Өфө атыу көт... Мин һеҙгә киләм...” тигән һүҙҙәр яҙылған видеоролик тарататылған. Администраторҙар яҙманы ҡамап тора, тик ваҡыт үтеү менән ул башҡа медиа биттәрҙә тағы барлыҡҡа килә....

23 сентября 2021
Смотреть видео Күңелдә шом, ә кеҫәлә глюкометр | ГТРК «Башкортостан»

Күңелдә шом, ә кеҫәлә глюкометр

Йүгереп уйнар, бейер, рәхәтләнеп урамда йөрөр урынға ҡәтғи режим, дарыуҙар, һыҙланыуҙар. Киләһе сюжет геройҙары мәрхәмәтле тамашасыларыбыҙ ярҙамына мохтаж. Иглиндән апалы ҡустылы Әлибаевтар тураһында Ләйсән Тимербулатова репортажы. Күңелдә шом, ә кеҫәлә глюкометр. Иглиндә йәшәүсе Айгөл Әлибаева...

23 сентября 2021
Смотреть видео Һөйгәне өсөн кеше үлтерергә лә риза | ГТРК «Башкортостан»

Һөйгәне өсөн кеше үлтерергә лә риза

 Евгений Кожевников хәҙер һөйәркәһе менән суд алдында яуап бирә. Быға тиклем ул күп һүҙле булһа, хәҙер “ләм-мим”. Кеше алдында төрмә йә ирекме тигән һайлау торһа, әҙәм балаһы, әлбиттә, мотлаҡ һуңғыһын һайлаясаҡ.  Шуға ла ла 55 йәшлек танышын үлтереүҙә ғәйепләнгән ир элекке мөхәббәтен...

23 сентября 2021
Смотреть видео Йылытыу миҙгелен күҙәтеүсе оператив штаб | ГТРК «Башкортостан»

Йылытыу миҙгелен күҙәтеүсе оператив штаб

Йорттарҙа йылы тураһындағы бар борсоулы һорауҙарҙы хәҙер яңы колл-үҙәккә бирергә мөмкин. Уның телефоны (8347) 277-09-11. Йылытыу миҙгелен күҙәтеүсе ҡала оператив штабы эш башланы. Башҡалала 19 сентябрҙән балалар баҡсалары менән мәктәптәргә йылы бирелә башланы, сиратта дауаханалар һәм башҡа социаль...

23 сентября 2021
Смотреть видео Ҡышҡылыҡҡа йылыһыҙ | ГТРК «Башкортостан»

Ҡышҡылыҡҡа йылыһыҙ

Өфө ҡалаһында күп фатирлы йорттарҙың береһе ҡышҡылыҡҡа йылыһыҙ ҡалыуы ихтимал. Йорт хужалары әле йылы кейем һәм йылытҡыстар һатып алырға мәжбүр. Флүрә Рәхимова өсөнсө йыл рәттән көндәр һыуытыу менән  өйҙә быйма һәм йылы йөн ойоҡтарҙа йөрөргә мәжбүр. Фатирҙа бөтөнләй йылытыу системаһы эшләмәй...

23 сентября 2021
Смотреть видео Халыҡ иҫәбен алыу кампанияһына һанаулы ғына көндәр ҡала | ГТРК «Башкортостан»

Халыҡ иҫәбен алыу кампанияһына һанаулы ғына көндәр ҡала

Бөтә Рәсәй халыҡ иҫәбен алыу кампанияһына тиклем һанаулы ғына көндәр ҡала. Быйыл ул 15 октябрҙән 14 ноябрға тиклем бара. Киләсәкте булдырабыҙ! Рәсәйҙә башҡарыласаҡ мөһим кампания ораны башҡортса тап шулай яңғырай. 15 октябрҙән алып бер ай дауамында, Рәсәйҙә даими йәшәгән халыҡ иҫәп алыусылар биргән...

23 сентября 2021
Смотреть видео Уҡыусылар ике аҙнаға дистанцион уҡыуға күсерелә | ГТРК «Башкортостан»

Уҡыусылар ике аҙнаға дистанцион уҡыуға күсерелә

Республиканың 12 районында 5-8-се һәм 10-сы класс уҡыусылары ике аҙнаға дистанцион уҡыуға күсерелә. Был Башҡортостанда коронавирус таралыуға бәйле. Башҡортостанда үткән тәүлектә тағы ла 18 кеше коронавирустан һәләк булған. Республика һаулыҡ һаҡлау министрлығы мәғлүмәттәренә ҡарағанда, 333 кеше...

23 сентября 2021
Яндекс.Метрика