Офтальмологияла иң алдынғы операцияны онлайн

Өфө күҙ ауырыуҙары ғилми-тикшеренеү институты табиптары донъяның төрлө тарафында эшләгән мең ярымдан ашыу хеҙмәттәшенә офтальмологияла иң алдынғы операцияны онлайн башҡарып күрһәтте. Тәжрибә уртаҡлашыу “Көнсығыш-Көнбайыш” Халыҡ-ара конференция барышында ойошторолдо. Быйыл офтальмологтар ҡоро Башҡортостандың башҡалаһында ун беренсе тапҡыр үтте. Фәнил Ғәбитов күреү һәләтенең ҡапыл насарайыуын быйыл март айында тоя. Катаракта икәнен аңлағас, ҡыҙы уны донъяға танылған Өфө офтальмологтарына етәкләп, тигәндәй, килтерә. Табип тикшеренеүҙәре, операцияға әҙерлек ике аҙна самаһы ваҡыт талап итә. Бөгөн иһә Фәнил ағай оҫта хирургтарға ихлас рәхмәт әйтеп ауылына, ҡәҙимге тормошҡа ҡайтырға әҙерләнә. Стационарҙың операция бүлмәһендә иһә ошондай уҡ пациенттар ошондай уҡ операция көтә. Ирина Сәйетгәрәеваны күҙенә наркоз тамыҙған мәлдә осраттыҡ. Тулҡынланыу, ә дөрөҫөрәге ҡурҡыу тойғоһо бар ине, ти ханым. Катарактаны фемтосекундлы лазер ярҙамында бөтөрөү ысулын Өфө офтальмологтары 2012 йылдан башлап ҡуллана. Уникаль аппарат Өфөлә тик күҙ ауырыуҙары ғилми-тикшеренеү институтында бар. Робот-лазерҙың өҫтөнлөгө шунда – ул күреү һәләтен башҡа төрлө операциялар тыйылған пациенттарға ла ҡайтара ала. Өфө офтальмологтарының тап ошо төр операцияһын Халыҡ-ара конференцияла ҡатнашҡан меңәрләгән табип күҙәтте. “Көнсығыш-Көнбайыш” форумы быйыл күҙ ауырыуҙары институты асылыуға 95 йыл тулыуға арналды. Быуатҡа яҡын эшмәкәрлек дәүерендә табиптар донъя кимәлендә уртаҡлашыр тәжрибә туплаған. Онлайн конференция бер юлы ике залда бара. Фәнни лекцияларҙы Рәсәй һәм донъяның танылған офтальмологтары уҡый. Инглиз теленә синхрон тәржемә ҡаралған.  Табиптар күҙ ауырыуҙарын дауалау өлкәһендә өлгәшкән ҡаҙаныштары һәм көнүҙәк мәсьәләләр тураһында фекер алыша. Яңы коронавирус инфекцияның күреү һәләтенә яһаған йоғонтоһо ла бөгөн фәнни тикшеренеү темаһы. Ғилми тикшеренеүҙәр күҙ ауырыуҙары институтының төп эшмәкәрлек йүнәлештәренең береһе. Әлеге ваҡытта Өфө институты заман талаптарына яуап биргән операциялар иҫәбе буйынса илдә алдынғы урындарҙы биләй. Операцияларҙың һаны һуңғы йылдарҙа 4 ярым тапҡырға артҡан. Табиптар йылына 40 меңгә яҡын ҡатмарлы операция яһай. Хирургия ярҙамын бында Рәсәйҙең һәр төбәгенән, яҡын һәм алыҫ сит илдәрҙән мөрәжәғәт иткәндәр ала. Катарактаны фемтосекундлы лазер ярҙамында бөтөрөү ысулын ҡулланып яһалғаны иһә республика халҡы өсөн бушлай.

Подпишитесь на нас в Facebook


һУҢҒЫ ХӘБӘРҘӘР

Смотреть видео Мотоциклист һәм патруль машинаһы менән авария | ГТРК «Башкортостан»

Мотоциклист һәм патруль машинаһы менән авария

Юл-патруль хеҙмәте хеҙмәткәрҙәренең мотоциклисты ғәҙәти булмаған күренеш менән туҡтатыу буйынса Эске Эштәр министрлығында тикшереү эштәре башланды. Мотоциклист һәм патруль машинаһы менән килеп сыҡҡан авария интернет киңлектәрендә таралып,  ике төрлө фекер тыуҙырғайны. Был видеоны авария...

10 июня 2021
Смотреть видео Коронавирустың кеше ағзаларына тәьҫире | ГТРК «Башкортостан»

Коронавирустың кеше ағзаларына тәьҫире

Өфө ғалимдары Томск хеҙмәттәштәре менән берлектә коронавирустың кеше ағзаларына тәьҫирен ентекле өйрәнә. Бындай тикшереү үткәргән үҙәктәр Рәсәйҙә  һанаулы ғына.  Тәүге һөҙөмтәләр ҙә бар. Ябай анализдар ярҙамында сирҙең  эҙемтәләрен күпкә иртәрәк асыҡларға мөмкин...

10 июня 2021
Смотреть видео Төбәктә үлем осраҡтарының артыуы яңы коронавирус инфекцияһына бәйле | ГТРК «Башкортостан»

Төбәктә үлем осраҡтарының артыуы яңы коронавирус инфекцияһына бәйле

Был хаҡта Максим Забелин сәләмәтлек сәғәтендә белдерҙе. Һаулыҡ һаҡлау министры федераль штабтан республика өсөн вакцинаның өҫтәмә миҡдарын һорарға тәҡдим итә. Бөгөнгә төбәктә алынған вакцинаның 92 проценты ҡулланылған. Республика халҡының 360 меңдән ашыуына вакцинаның тулы миҡдарын һалынған....

10 июня 2021
Смотреть видео Ауыл сәғәте | ГТРК «Башкортостан»

Ауыл сәғәте

Антибиотик эҙҙәре булһа уны һөт ташыусы машина водителе үк асыҡлап шикле сеймалдан баш тарта ала. Өфө ҡала һөт заводы эшмәкәрлеге менән “Ауыл сәғәте” форматындағы күсмә ултырыш барышында Радий Хәбиров ҡыҙыҡһынды. Төбәк етәксеһе предприятиеның етештереү комплексы, лаборатория һәм складтарын...

10 июня 2021
Смотреть видео 91 йәшлек балыҡсы | ГТРК «Башкортостан»

91 йәшлек балыҡсы

Туймазы ҡалаһында йәшәүсе тыл ветераны Мария Соловьева үҙен нисек хәтерләй шул ваҡыттан бирле балыҡҡа йөрөй. Бер ниндәй һауа торошо ла ҡамасауламай. 91 йәшлек Мария Николавна өсөн йәш саҡтағы фотоһүрәттәре – оло бер хәтирә, иң иҫтәлеклеләре иһә күҙ уңында. Һәр фотоға ҡарап ваҡиғаның ҡайҙа барғанын...

9 июня 2021
Смотреть видео Һыуға батҡан кешегә нисек ярҙам күрһәтергә? | ГТРК «Башкортостан»

Һыуға батҡан кешегә нисек ярҙам күрһәтергә?

Ҡотҡарыусылар һыуға батҡан кешегә беренсе ярҙам күрһәтергә өйрәтте. Был эшкә ирекмәндәр, мәктәп балалары, студенттар ҙа йәлеп ителә. Ҡотҡарыусылар ҡулайлаштырылған пляжда һыу инергә, билдәһеҙ ерҙә һыу төшмәҫкә кәңәш итә. Бата башлаған кешегә ярҙам итеү өсөн тәүҙә физик хәлде самаларға кәрәк, сөнки...

9 июня 2021
Смотреть видео Вәлиди урамы һәм С. Юлаев проспектында юл сиселеше ҡасан файҙаланыуға тапшырылыр? | ГТРК «Башкортостан»

Вәлиди урамы һәм С. Юлаев проспектында юл сиселеше ҡасан файҙаланыуға тапшырылыр?

Зәки Вәлиди урамы һәм Салауат Юлаев проспекты юл үткәүелендә төҙөүселәр өрлөк һалып сығып башҡа эштәргә тотондо. Сафҡа инәсәк объект күпкә киңерәк буласаҡ. Зәки Вәлиди урамы һәм Салауат Юлаев проспекты арауығындағы транспорт сиселешендә эш бер көнгә лә туҡтамай. Майҙансыҡта 80 кеше эшләй, 15...

9 июня 2021
Смотреть видео Радий Хәбиров Өфөнөң паркттарын ҡарап сыҡты | ГТРК «Башкортостан»

Радий Хәбиров Өфөнөң паркттарын ҡарап сыҡты

Башҡортостан башлығы Радий Хәбиров Өфөнөң паркттарын һәм ихаталарын ҡарап сыҡты. “Көнъяҡ” паркын төҙөүселәр йәй аҙағында файҙаланыуға тапшырырға йыйына. Бында эштәр билдәләнгән графикҡа ярашлы алып барыла һәм урындағы етештереүселәрҙең материалдары ҡулланыла. Подрядсы ойошмалар спорт, уйын зоналары...

9 июня 2021
Смотреть видео 80 меңдән ашыу мөрәжәғәттәр | ГТРК «Башкортостан»

80 меңдән ашыу мөрәжәғәттәр

 Республиканың ковидҡа ҡаршы ситуация үҙәге беренсе ярты йыллыҡ эшмәкәрлегенә йомғаҡ яһаны. Бөгөн үҙәк нисек эшләй һәм республика халҡы ниндәй һорауҙар менән мөрәжәғәт итә? Фирҙәүес Таңғатарова ковидка ҡаршы ситуация үҙәгендә беренсе көндән алып эшләй. Һөнәре буйынса китапханасы, әммә...

9 июня 2021
Смотреть видео Социаль тармаҡ хеҙмәткәрҙәре һөнәри байрамын билдәләне | ГТРК «Башкортостан»

Социаль тармаҡ хеҙмәткәрҙәре һөнәри байрамын билдәләне

Ошо уңайҙан Өфөлә тантаналы ултырыш һәм байрам кисәһе үтте. Социаль хеҙмәткәрҙәрҙе Башҡортостан башлығы Радий Хәбиров ҡотланы. “Уҙған йыл ауыр булды. Пандемия менән көрәшкә табиптар менән бергә социаль хеҙмәткәрҙәр ҙә сыҡты. Ҡатмарлы эшегеҙҙә уңыштар һәм оло рәхмәтемде белдерәм”, тине үҙ сығышында...

9 июня 2021
Яндекс.Метрика