Өлкәндәр өсөн үҙ изоляция режимы ғәмәлгә инде | ГТРК «Башкортостан» — Новости Уфы и РБ

Өлкәндәр өсөн үҙ изоляция режимы ғәмәлгә инде

Бөгөндән Башҡортостанда 65 йәштән өлкәндәр өсөн үҙ изоляция режимы ғәмәлгә инә. Был турала Республика хөкүмәтендә үткән оператив кәңәшмәлә хәбәр ителде. Быға тиклем дауаханаларҙың баш табиптары өлкән йәшәтәгеләр өсөн үҙ изоляция режимы индереүҙе һорап республика етәксеһенә мөрәжәғәт иткәйне. “Йәшел Башҡортостан” өсөн “икеле”. Республика башлығы төбәкте йәшелләндереү йөкләмәһе үтәлешен насар билдәгә баһаланы. Шелтә йәнә торлаҡ-коммуналь хужалыҡ министры вазифаһын башҡарған Алан Марзаевҡа төштө. Акция ултыртылған ағасты һанау түгел, ә ҡала урамдарына йәм биреүҙән ғибәрәт. Был йәһәттән Радий Хәбиров Нефтекаманың иҫтәлекле аллеяһын миҫалға килтерә. “Йәшел Башҡортостан”дың маҡсаты ҡала үҙәктәрендә ҡарт ағастар урынына яңыларын ултыртыу, йорт ихаталарын, ташландыҡ ерҙәрҙе йәшелләндереү һәм дәүләт урман фондын байытыу, тип килешелгән.Алан Марзаев быйыл көҙгө акция барышында 48 мең кеше ҡатнашып 8 мең ярым эре ағас, 69 мең йәш үҫенте һәм ҡыуаҡ ултыртҡан, тип белдерҙе. Яҙ көнө “Йәшел Башҡортостан” акцияһы дауам итә. Кәмселектәр иҫәпкә алыныр, тигән өмөт менән. Транспорт һәм юл хужалығы министрлығы ҡышҡа әҙерлек эшенә йомғаҡ яһаны. Александр Булушев трассаларҙа эшселәр һәм водителдәр өсөн йылыныу нөктәләре, юл хеҙмәтләндереү техникаһы әҙер, тайғаҡта файҙаланыр ҡом-тоҙ ҡатнашмалары 74, реагенттар 81 процентта тупланған, тип белдерҙе. Юлдағы хәлдәрҙе күҙәтеү, һауа торошо киҫкенләшкәндә мәғлүмәт биреү һәм ғәҙәттән тыш хәлдәрҙе иҫкәртеү маҡсатында тәүлек әйләнәһенә эшләгән ситуацион үҙәк ойошторолған. Республика башлығы хеҙмәттәрҙән көнэлгәре саралар талап итә. Коронавирус инфекцияһы ла төбәктә үтә ҡатмарлы шарттар ҡуйҙы. Радий Хәбиров бөгөндән республикала 65 йәштән өлкәндәрҙең прививка ҡаҙатмағандары өсөн мотлаҡ үҙизоляция иғлан итте. Был төркөмгә хроник сирлеләр ҙә инә. Һаулыҡ һаҡлау министрлығы мәғлүмәттәре буйынса 12 октябрь иртәһенә Башҡортостанда сир йоҡторғандар һаны 73 мең ярымдан артҡан, тәүлек эсендә 633 кешелә коронавирус табылған. Үлем осраҡтары көн дә арта. Вице-Премьер Максим Забелин сирлеләрҙең 10 проценты балалар, 5 проценты 18 йәштән 25 йәшкә тиклемгеләр, 41 проценты 26-51 йәшлектәр, 20 проценты — 60 йәшкә тиклемгеләр, 19 ярым проценты 60 йәштән өлкәндәр, тип билдәләне. Стационарға 1095 сирле һалынған, алты мең ярым сирле табип кәңәштәрен үтәп өйҙә дауалана. Төбәктә 8 меңдән ашыу инфекцион койка иҫәпләнә. Урындарҙың бары 10 проценты буш. Йоғошло сир таралыуҙы туҡтатыр өсөн төбәктә бер нисә этапта сикләүҙәр индерелде. Республика башлығы контроль идаралығына уларҙың үтәлешен күҙәтергә ҡушты. Сараларҙың һөҙөмтәле икәнен вакцинация темпының артыуы раҫлай. Төбәк бөгөнгә илдә етештерелгән вакцинаның 1 891 848 миҡдарын алған. 12 октябргә прививканың ике компонентын да ҡаҙатҡандар һаны 1 226 813 кеше.

Подпишитесь на нас в Google Новости


һУҢҒЫ ХӘБӘРҘӘР

Смотреть видео Коронавирус менән ауырыусыларҙың 10 проценты балалар  | ГТРК «Башкортостан»

Коронавирус менән ауырыусыларҙың 10 проценты балалар

Республикала 65 йәштән өлкәндәрҙең прививка ҡаҙатмағандары өсөн мотлаҡ үҙизоляция режимы иғлан ителде. Коронавирус менән ауырыусыларҙың 10 проценты балалар, 5 проценты 18 йәштән 25 йәшкә тиклемгеләр, 41 проценты 26-51 йәшлектәр, 20 проценты - 60 йәшкә тиклемгеләр, 19 ярым проценты 60 йәштән...

14 October 2021
Смотреть видео Тағы ла 35 кеше яҡты донъя менән хушлашты | ГТРК «Башкортостан»

Тағы ла 35 кеше яҡты донъя менән хушлашты

Башҡортостанда үткән тәүлектә генә коронавирус менән ауырыуҙың 662 осрағы теркәлгән. 35 кеше һәләк булған. Табиптар кисекмәҫтән вакцинация үтергә саҡыра. Әле вакцинаның беренсе компонентын алыусылар 1 миллион 354 меңдән ашты. Тулы вакцинация үтеүселәр 1 миллион 228 мең самаһы кеше. Мәкерле сирҙән...

14 October 2021
662 яңы осраҡ, 35 үлем: COVID-19 буйынса яңы мәғлүмәттәр | ГТРК «Башкортостан»

662 яңы осраҡ, 35 үлем: COVID-19 буйынса яңы мәғлүмәттәр

Башҡортостанда үткән тәүлектә 662 кеше COVID-19 инфекцияһына ыңғай ПЦР тест алған. Инфекция табылғандарҙың дөйөм иҫәбе 13 октябргә 74 174 кешегә етте. Дауаханаларҙа 1087 сирле ята, уларҙың 708-е алтмыш йәштән өлкән. 51 пациент ауыр хәлдә, 22 сирле яһалма һулыш аппаратына мохтаж. 6 904 сирле...

13 October 2021
Каникул күсерелмәй | ГТРК «Башкортостан»

Каникул күсерелмәй

Мәктәп уҡыусыларының көҙгө каникулын күсереү тураһындағы мәғлүмәтте Башҡортостандың фән һәм мәғариф министрлығы кире ҡаҡты. Социаль селтәр һәм мессенджерҙарҙа мәктәптәрҙәге эпидемиологик хәл сәбәпле көҙгө каникул ваҡытын күсерәләр тигән ялған һүҙ тарала. Фән һәм мәғариф министрлығы был...

13 October 2021
Прививка яһат та аҡса ал | ГТРК «Башкортостан»

Прививка яһат та аҡса ал

Мәскәүҙә 65 йәштән өлкәндәр прививка яһатһа 10 мең һум аҡса ала. Вакцина яһатҡан өлкәндәргә бүләк тупланмаһы урынына тиҫтә мең аҡса биреү тураһындағы күрһәтмәгә Мәскәү мэры Сергей Собянин ҡул ҡуйған. Мәскәү хөкүмәте COVID-19-ға ҡаршы вакцинация программаһында ҡатнашыусыларҙы дәртләндереү...

13 October 2021
Мәжбүри вакцинация иғлан ителде | ГТРК «Башкортостан»

Мәжбүри вакцинация иғлан ителде

Башҡортостанда коронавирус инфекцияһының ҡотороноуы сәбәпле 13 октябрҙән мәжбүри вакцинация индерелә. Талап педагогтар, табиптар, сауҙа хеҙмәткәрҙәре һәм хеҙмәттәр күрһәтеү өлкәһендә эшләгәндәр өсөн мотлаҡ. Был хаҡта Роспотребнадзорҙың төбәк идаралығы етәксеһе Анна Казак белдерҙе.   Баш...

13 October 2021
Смотреть видео Үҙенсәлекле рекорд | ГТРК «Башкортостан»

Үҙенсәлекле рекорд

Рәсәй президенты Владимир Путин ҡушыуы буйынса “Уңайлы мөхит” программаһына телевизион эфирҙарҙа сурдотәржемә күләмен арттырырыу бурысы өҫтәлә. Был йәһәттән, “Башҡортостан 24” каналында иһә республика етәксеһе Радий Хәбиров ҡатнашлығындағы кәңәшмәләрҙе, мөһим сәйәси сараларҙы яҡтыртҡан хәбәрҙәр...

13 October 2021
Смотреть видео Дим районы дауаханаһының уңыш сере нимәлә? | ГТРК «Башкортостан»

Дим районы дауаханаһының уңыш сере нимәлә?

Баш ҡаланың  Дим районы ҡала клиник дауаханаһы коллективы илдең иң алдынғылары рәтендә. «Первые лица» Бөтә Рәсәй премияһын беҙҙең табиптарға Мәскәүҙә Перинаталь медицина белгестәренең Рәсәй ассоциацияһы XVI конгресында тапшырҙылар.  Дим районы ҡала клиник дауаханаһы 2020 йылдың апреленән...

13 October 2021
Смотреть видео Сикләүҙәрҙе халыҡ нисек ҡабул итә? | ГТРК «Башкортостан»

Сикләүҙәрҙе халыҡ нисек ҡабул итә?

Иҫегеҙгә төшөрәбеҙ, сауҙа үҙәктәре, кинотеатрҙар, китапханалар, шәхси музейҙар, күргәҙмә, концерт залдарына инеү, “Орлан” поезы һәм ҡала-ара автобус маршруттарында йөрөү өсөн вакцинация үтеү тураһындағы сертификат, йә үткән ярты йылда ковид менән сирләү тураһындағы документ күрһәтергә кәрәк....

13 October 2021
Смотреть видео Өлкәндәр өсөн үҙ изоляция режимы ғәмәлгә инде | ГТРК «Башкортостан»

Өлкәндәр өсөн үҙ изоляция режимы ғәмәлгә инде

Бөгөндән Башҡортостанда 65 йәштән өлкәндәр өсөн үҙ изоляция режимы ғәмәлгә инә. Был турала Республика хөкүмәтендә үткән оператив кәңәшмәлә хәбәр ителде. Быға тиклем дауаханаларҙың баш табиптары өлкән йәшәтәгеләр өсөн үҙ изоляция режимы индереүҙе һорап республика етәксеһенә мөрәжәғәт иткәйне. “Йәшел...

13 October 2021