COVID-19 менән ауырыу осраҡтары арта

  • COVID-19 менән ауырыу осраҡтары арта | ГТРК «Башкортостан»
Башҡортостанда коронавирустың «омикрон» штамы тарала башланы. COVID-19 менән ауырыу осраҡтары көн дә арта. Үткән тәүлектә республикала 281 тапҡыр коронавирус йоҡтороу осрағы теркәлгән, алдағы көн менән сағыштырғанда был 14-кә күберәк. Оперштаб мәғлүмәттәре буйынса, Башҡортостанда бөтәһе 126 361 сирле асыҡланған.

Әлеге ваҡытта 4 276 пациент дауалана, уларҙың 412-һе — өйҙә, 164-е —дауаханала. 46 пациент ҡаты сирләй, интенсив терапия палатаһында дауалана. Тәүлек эсендә — 277, йәмғеһе 117 474 пациент дауахананан һауығып сыҡҡан.

Инфекциянан йәнә һигеҙ үлем осрағы теркәлгән. Пандемия башланғандан алып республикала 4 611 кешенең ғүмере өҙөлгән, уларҙың 4015-е — 60 йәштән өлкән.

Башҡортостанда вакцинация дауам итә. Бөгөнгә 2 153 357 кеше прививканың ике компонентын да алған (86,7 процент). Ә 258 819 яҡташыбыҙ прививкаһын яңыртҡан.

Подпишитесь на нас в ВКонтакте