Еңеүҙең 80 йыллығына һанаулы ғына көндәр ҡалды

Өфөлә һәйкәлдәрҙе һәм обелисктарҙы төҙөкләндереү эштәре башланды. Өфөлә мемориалдар ҡуйылған 228 урын бар. Уларҙың 35-ендә төп эштәр алып барыла, ҡалғандары буйынса эштәр 1 майға тамамланырға тейеш. Билдәле булыуынса, Өфөлә ҡаланың коммуналь хеҙмәттәре «Сергиев зыяратында» һәм «Төньяҡ»та туғандар ҡәберлегендә һәйкәлдәрҙе төҙөкләндереү менән шөғөлләнә, шулай уҡ ветерандарҙың мемориаль таҡтаташтарын яңырта. Шулай уҡ Өфө парктарында һәм скверҙарында стилләштерелгән сәскә түтәлдәре яһала. Еңеү паркына айырым иғтибар бүленә. Хөкүмәттең оператив кәңәшмәләренең береһендә республика башлығы Бөйөк Ватан һуғышы яугирҙәренә арналған мемориалдарҙы, һәйкәлдәрҙе һәм обелисктарҙы тиҙ арала тәртипкә килтерергә ҡушҡайны.