Рәсәй банкы “Резонанс” страховка компанияһын лицензияһын тартып алған

Тимәк, хәҙер уның мөлкәттәрҙе ирекле страховкалау эшмәкәрлеге туҡтатыла. Ойошма ҡануниәттә ҡаралған талаптарҙы үтәмәгән. Компанияның клиенттары страховка түләүҙәрһеҙ ҡалған, ә хеҙмәткәрҙәр үҙҙәренең етәксеһенең ҡайҙа икәнен дә белмәй. Юлда таш тейеп машинаһының алғы быялаһы сатнаған Ришат Зәләев страховка осрағы буйынса ремонт өсөн түләү алырға килгән.  Страховка компанияһының Октябрьский ҡалаһындағы бүлексәһе ябылған, шуға  уны баш ҡалалағы төп офисҡа ебәргәндәр. Әммә бында  “Резонанс” компанияһы лицензияһыҙ ҡалғанын хәбәр иткәндәр. Ришат кеүек алданыусылар бихисап. Дмитрий Рыженко тейешле түләүҙәрен юллап, көн һайын тиерлек Салауат менән Өфө юлын тапай. Тик – уңышһыҙ. Был ҡатын да, аварияла эшлектән сыҡҡан атомобиле өсөн аҡса күсереүеҙәрен көтөп ала алмағас, машинаһын үҙе ремонтлатырға мәжбүр була.   7 йәшлек Ника ла “Резонанс” компанияһың клиенты. Гимнаст ҡыҙ аяғын имгәткән, тик улар ҙа компенсацияһыҙ ҡалған. Ойошма хеҙмәткәрҙәре үҙҙәре лә билдәһеҙлектән интегә. Йыл башында етәкселек алышынғандан бирле буталсыҡ башланды, ти улар.  Мөрәжәғәт итеп килгән кешеләр бик күп. Әммә бөтәһенә лә яуап бер — компания хәҙер эшләмәй. Ике тиҫтә йылдан ашыу уңышлы эшмәкәрлек алып барған ойошма ни өсөн  бер-нисә ай эсендә бөлгөнлөккә төшкәнен прокуратураға асыҡларға ҡала. Ә “Резонанс” клиенттары суд аша аҡсаларын ҡайтарырға өмөтләнә.



Последние новости

Яндекс.Метрика