Өфөлә нефтехимия Рәсәй форумы тамамланды

“Ҙур химия” форумы менән “Нефть.Газ.Технологиялар” халыҡ-ара күргәҙмәһен берләштергән мәртәбәле йыйындың йомғаҡлау көнөндә тармаҡ программалары һәм уларҙы ғәмәлгә ашырыуҙа дәүләт көйләүе мәсьәләләренә арналған пленар ултырыш ойошторолдо.Химия менән нефтехимия – ил сәнәғәтенең иң өмөтлө тармаҡтары. Бөгөн улар нефткә хаҡтар түбәнәйгән һәм сит ил финанстары менән технологияларын ҡулланыу сикләнгән ҡатмарлы иҡтисади шарттарҙа эшләргә мәжбүр. Шуға ҡарамаҫтан, нефть сығарыу һәм эшкәртеү өлкәһендә алға китеш күҙәтелә. Химия тармағында ла яңы үҫеш мөмкинлектәре барлана. Хөкүмәт тарафынан яғыулыҡ-энергетика комплексына артабан да ярҙам күрһәтеләсәк, тип билдәләнде форумда. Инвестициялар сәйәсәте хәл ителә. Быларҙың барыһы ла тармаҡтың сит ил материалдары һәм йыһаздарына бәйлелеген кәметеүгә, һәм предприятиелар етештергән тауарҙы сит ил баҙарҙарына сығарыу сараларын күреүгә йүнәлтелә. Форумда ҡатнашыусылар шулай уҡ тармаҡтар өсөн углеродлы сеймал дефицитын да һыҙыҡ өҫтөнә алды.

Яндекс.Метрика