Рәсәй һәм донъя хәбәрҙәре

Рәсәй самолеттары  “Ислам дәүләте” ойошмаһының ялан лагерын утҡа тотто. Операцияла 6 бомбардировщик ҡатнашҡан. Ҡорал һаҡланған 3 келәт, 3 танк, 4 хәрби машина, пулеметлы 8 автомобиль юҡ ителгән.

Бөгөн Америка дәүләт секретары Джон Керри Мәскәүгә килә. Ул Рәсәйгә оператив мәғлүмәт менән алмашыу өсөн берлектәге төркөм булдырыу тәҡдимен яһарға тейеш. Был осраҡта “Джабхат ан-Нусра” террор төркөмсәһенең аҙымдарын күҙәтеп, шулай уҡ “Ислам дәүләте” ойошмаһын бомбаға тотоуҙы ла көйләп буласаҡ.

Пекин Көньяҡ-Ҡытай диңгеҙендәге бәхәсле утрауҙар мәсьәләһендә Вашингтон менән бәхәскә инергә әҙер. Ҡытай сит ил эштәре министрлығы Гаагалағы третей суды ҡарарын хуплаған өсөн Америкаға протест белдерҙе. Пекин Ҡушма Штаттарҙы халыҡ-ара хоҡуҡта ике яҡлы стандарттар ҡулланыуҙа ғәйепләй.

Юнона планета-ара станцияһы Юпитерҙы фотоға төшөрөп ергә ебәргән. Төҫлө фотола Юпитер һәм уның өс эре юлдашын-Ио, Евроап һәм Ганимедты күрергә мөмкин. Ғалимдәр әйтеүенсә, көслө радиоактив нурҙар камераға зыян килтермәгән. Аппарат Юпитерға 5 мең саҡырымға тиклем яҡынайырға тейеш.

Яндекс.Метрика