Рәсәй һәм донъя яңылыҡтары

Федераль именлек хеҙмәткәрҙәре Санкт-Петербургтағы террор ғәмәлен ойоштороуҙа шикләнеүсе тағы ла бер кешене ҡулға алған. Акрам Әзизовтың бил сумкаһында  хәрби граната табылған.

Балтик диңгеҙендә Рәсәй хәрби-диңгеҙ флоты кораблдәре күнекмәләре үткән. Уның барышында “Кузнецк” катеры һауалағы сәпкә ракета осорған.

Обнинск ғалимдары ПАМ-3 препаратын эшләгән. Икенсе төрлө уны ҡанды алмаштырыусы ҡатнашма тип тә атайҙар. Препаратты күп ҡан юғалтҡанда ҡулланырға мөмкин. ПАМ-3 эритроциттарҙы алмаштыра һәм теләһә ниндәй ҡан төркөмөнә тап килә.

Төркиәләге ҡалаларҙың береһендә автомобиль тәгәрмәсе асыҡ ишектәр аша дарыуханаға килеп ингән. Шаһиттар хәбәр итеүенсә, ул үтеп барған машинанан ысҡынған. Йәрәхәтләнеүселәр юҡ

Яндекс.Метрика