Башҡортостан иң яҡшы 10 төбәк исемлегенә инде

  • Башҡортостан иң яҡшы 10 төбәк исемлегенә инде | ГТРК «Башкортостан»

Рәсәйҙең «Рейтинг» мәғлүмәт агентлығы төбәктәрҙең социаль-иҡтисади торошо рейтингын иғлан итте. Башҡортостан 2015 йылда рейтингтың 10 урынында ине. 2016 йылда ул үҙ күрһәткестәрен яҡшыртып, һигеҙенсе урынды биләй. Төбәктәрҙе баһалау рейтингына иҡтисадтың ҙурлығы, уның һөҙөмтәлелеге, шулай уҡ бюджет һәм социаль өлкә кеүек мөһим күрһәткестәр инә. Тәҡдим ителгән мәғлүмәттәргә ярашлы, былтыр республикала тауар етештереү һәм хеҙмәттәр күләме 1 миллиард 871 миллион һумға еткән. Иҡтисадта мәшғүл кешеләрҙең иҫәбе 2 миллион самаһы. Республикала бер кешегә тупланған бюджет табышы 48 мең һум. Башҡортостанда төп капиталға инвестициялар һәр кешегә  89 мең һум тура килә. Республикала былтыр килемле предприятиеларҙың өлөшө 80 процентҡа барып еткән.



Последние новости

Яндекс.Метрика