Инкассаторҙарҙы яндырыуҙа шикләнеүселәр ҡулға алынды

Республика буйынса эске эштәр министрлығы хеҙмәткәрҙәре сауҙа үҙәктәренең береһендә инкассаторҙарҙы яндырыуҙа шикләнеүселәрҙе ҡулға алды. Улар балтач ауылынан, өс бер туған.22 август инкассаторҙар ҡәҙимге эшен башҡарырға — банкоматтарҙың береһен ҡулаҡса менән тулыландырырға килә. Улар терминал эргәһенә килеү менән шартлау яңғырай. Видеокүҙәтеү алып барған камералар күрһәтеүенсә, инкассаторҙар артынан магазинға ике йәш кеше инә. Уларҙың береһе инкассаторҙарға ниндәйҙер шыйыҡса һибә, икенсеһе шырпы һыҙып ырғыта. Инкассаторҙарҙың береһе һәләк булды, икенсеһе Мәскәүҙә дауалана.



Последние новости