Рәсәй һәм донъя хәбәрҙәре

Америка президенты вазифаһына дәғүә итеүсе Дональд Трамп Украиналағы көсөргәнешлек тәү сиратта Европаның мәсьәләһе тип белдерҙе. Миңә Украина өсөн Рәсәй менән мөнәсәбәттәрҙе боҙғо килмәй. Әммә шул уҡ ваҡытта нефть һәм газды Рәсәйҙән алған Германия Украиналағы хәлдәрҙе көйләү өсөн бер нимә лә эшләмәй тигән Дональд Трамп.

Мысырҙа аномаль эҫелектән һәләк булыусылар 93 кешегә еткән. Бер-нисә йөҙ кеше дауаханаларға һалынған.  Илдә дымлылыҡ юғары булыуы хәлде тағы ла ҡатмарлаштыра. Һауа температураһы 47 градусҡа еткән. Синоптиктар киләһе көндәрҙә температура тағы ла күтәреләсәк тип иҫкәртә.

Төркиәлә хәлдәр ҡатмарлаша. Ҡайһы бер политологтар белдереүенсә, яҡын көнсығыштағы  һуғыштың Төркиә биләмәһенә күсеүе ихтимал. Бынан өс йыл элек төрөк хакимиәттәре сүриә дәүләтселеген юҡ итеүҙә мөһим роль уйнауҙа килешеп сүриәнең ҡораллы оппозицияһын һыйындырҙы. Күрәһең, улар тиҙҙән Башар Асад хәлендә ҡалырбыҙ тип уйламағандыр.

Интернет селтәрендә  йәшен  атҡан ваҡытта барлыҡҡа килгән шартлау видеоһы менән танышырға мөмкин. Уны икенсе төрлө микрошквал тип тө йөрөтәләр. Микрошквалдар самолет һәм вертолеттар өсөн етди ҡурҡыныс тыуҙыра. Һауа суднолары күтәрелгәндә йәки ултырған ваҡытта  көслө ел уларҙы ергә ҡолатыуы ихтимал.

 

Яндекс.Метрика