Туймазы районында ҡотосҡос аварияла бер кеше һәләк булды, 6 кеше, шул иҫәптән 1 бала йәрәхәтләнде.
«Лада Приора» водителе ҡаршы яҡ юлға сығып ВАЗ машинаһына, һуңынан ауыр йөк машинаһына барып бәрелә. «Лада Приора» пассажирының береһе урында уҡ һәләк була. Водитель һәм икенсе пассажир дауаханаға һалынған. ВАЗ машинаһында 4 пассажир ҙа тән йәрәхәттәре алып дауаханаға оҙатылған.
