Республика башлығы “Полиметалл” компанияһы вәкилдәре менән осрашты

Республика башлығы Сибай тау-байыҡтырыу комбинатының яңы милексеһе-“Полиметалл” компанияһы вәкилдәре менән осрашты. Радий Хәбиров тиҙҙән предприятиела яңыртыу эштәре башланасаҡ, тип белдерҙе. 2022-се йылда комбинатта эш туҡтағас күптәр вахта ысулы менән ситтә эшләй башлағайны. Улар тыуған яҡтарына эшкә ҡайтыр, тип ышанам, тине Радий Хәбиров. Комбинат эшләй башлағас бында йөҙләгән яңы эш урыны барлыҡҡа киләсәк.